ʻOA TAUTELE MAI I LE AFIOGA A LE ATUA | ESOTO 10-11

Na Faaalia e Mose ma Arona le Matuā Lototele

10:3-6, 24-26, 28; 11:4-8

Na faaalia e Mose ma Arona le matuā lototele ina ua la talanoa atu iā Farao, o le tagata pito sili ona malosi i le lalolagi i lenā taimi. O le ā na mafai ai ona na la faia faapea? Ua faapea mai le Tusi Paia e faatatau iā Mose: “O le faatuatua na ia tuua ai Aikupito, e leʻi fefe i le toʻatamaʻi o le tupu, ae sa tūmausalī pea o ia e pei ua ia iloa atu Lē e lē o vaaia.” (Epe 11:27) Na malosi le faatuatua o Mose ma Arona iā Ieova, ma na la faalagolago iā te ia.

O ā mea tutupu e te maua ai le avanoa e faailoa atu ai ma le lototele lou faatuatua i se tasi e iai le pule?

Tuufaatasiga o ata: O mea e tutupu e manaʻomia ai le lototele. 1. O se tamaitiiti i le aʻoga o loo tū e lē o faia sana vaega a o usu le vii o le fuʻa. 2. O se uso o loo tū i luma o le faamasinoga. 3. O se uso talavou o loo ofo atu se sāvali i le talaʻiga a o vaavaai ane se leoleo.