Ia Vivii Atu iā Ieova o se Paeonia

E iai māfuaaga mataʻina na vivii atu ai tagata Isaraelu iā Ieova. Na ia aveesea i latou mai i Aikupito ma faasao mai i le ʻautau a Farao! (Eso 15:1, 2) O loo faaauau ona faia e Ieova mea lelei mo ona tagata. E faapefea la ona tatou faaalia atu le lotofaafetai?​—Sl 116:12.

O se tasi o auala, o le avea ma paeonia lagolago pe paeonia sauatoa. E mafai ona e tatalo mo le faanaunauga ma le malosi e auauna ai o se paeonia. (Fil 2:13) O le toʻatele lava e avea muamua ma paeonia lagolago. E mafai ona e filifili i le 30 po o le 50 itula i masina o Mati ma Aperila, ma le masina o le asiasiga a le ovasia matagaluega. Pe a e tofo i le olioli o le avea ma paeonia lagolago, e te ono manaʻo ai e aapa atu e avea ma paeonia sauatoa. E oo lava iā i latou e faigaluega faataimi atoa pe faalētonu le soifua mālōlōina, ua mafai ona avea ma paeonia sauatoa. (mwb16.07 8) E mautinoa e tatau ma onomea iā Ieova so o se taumafaiga e tatou te faia ina ia viia ai o ia!​—1No 16:25.

MAIMOA I LE VITIŌ LE ʻAUSO TEINE E TOʻATOLU I MONGOLIA, ONA TALI LEA O FESILI NEI:

• 

  O ā luʻi na manumalo ai lenei ʻauso teine e toʻatolu ina ia avea ma paeonia?

• 

  O ā faamanuiaga na latou tofo ai?

• 

  O ā nisi vala o le auaunaga na tatala atu mo i latou a o auauna o ni paeonia sauatoa?

• 

  O ā aafiaga o a latou faaaʻoaʻoga i isi?