Mātua, ia Toleni Lau Fanau ia Atamamai

O loo tatou ola i se lalolagi e manatu e lelei le leaga, ae leaga le lelei. (Isa 5:20) E faanoanoa ona o nisi tagata e latou te faia mea e inosia e Ieova, e aofia ai amioga lē talafeagai i le va o le itupā e tasi. E taumafai aumea i le aʻoga po o isi e taaʻina a tatou talavou e mulimuli iā i latou. E faapefea ona e sauniunia lau fanau ina ia manumalo mai nei omiga?

Ia faaauupegaina lau fanau i le atamai o tapulaa a Ieova. (Le 18:3) Ia aʻoaʻo i latou mai i lea taimi i lea taimi e faatatau i le manatu o le Tusi Paia i feusuaʻiga, e fua i lo latou matutua ma mea ua latou iloa. (Te 6:7) Ia fesili ifo iā te oe lava: ʻPe na ou aʻoaʻoina laʻu fanau i le auala talafeagai e faaalia ai le alofa, le tāua o ofu talafeagai, ma mea e lē tatau ona fai e se tasi iā i latou pe faatalitalia i latou e faia? Po ua iloa e laʻu fanau le mea e fai, pe a faailoa atu e se tasi iā i latou ata ma faamatalaga o faiga matagā tau feusuaʻiga, pe fai atu se tagata matua iā i latou e fai se mea ua fetalai mai Ieova e sesē?’ O le muaʻi aʻoaʻoina o fanau o le a fesoasoani e ʻalofia ai le tele o faafitauli. (Fat 27:12; Fai 7:12) O le aʻoaʻoina o lau fanau, ua e faaalia ai lou alofa i lou tofi tāua mai iā Ieova.​—Sl 127:3.

MAIMOA I LE VITIŌ IA FAUSIA SE FALE E TUMAU​—PUIPUI LAU FANAU MAI I “MEA LEAGA,” ONA TALI LEA O FESILI NEI:

• 

  Aiseā e faatalatū ai nisi e aʻoaʻo a latou fanau e faatatau i feusuaʻiga?

• 

  Aiseā e tatau ai i mātua ona toleni a latou fanau i “aʻoaʻiga ma apoapoaʻiga a Ieova”?​—Efe 6:4

• 

  O ā fesoasoani ua saunia e le faalapotopotoga a Ieova mo mātua, ina ia mafai ona aʻoaʻo a latou fanau e faatatau i feusuaʻiga?​—w19.05 12, pusa

• Aiseā e tāua ai le talanoa e lē aunoa ma lau fanau a o leʻi tulaʻi mai ni faafitauli matuiā?