Aʻoaʻo Lau Tagata Aʻoga o le Tusi Paia ia Fafaga i Latou Lava Faaleagaga

Ina ia faamalieina o latou manaʻoga faaleagaga ma avea o ni Kerisiano taʻumatuaina, e tatau i le tagata aʻoga ona aʻoaʻo isi mea e sili atu, nai lo mea o loo tatou aʻoaʻoina ai i latou. (Mat 5:3; Epe 5:12–6:2) E tatau foʻi ona aʻoaʻo i latou i le auala e fafagaina ai i latou lava faaleagaga.

Ia faailoa i lau tagata aʻoga le auala e sauniuni ai mo lana suʻesuʻega faale-Tusi Paia, ma faalaeiau i latou e faia faapea. (mwb18.03 6) Ia faalaeiau e tatalo a o leʻi faia ana lava suʻesuʻega, ma faasino i ai le auala e maua ma faaaogā ai meafaigaluega mo saʻiliʻiliga i masini faaonapōnei. Ia faamatala i ai le auala e maua ai mea fou o loo i le jw.org ma le TV i le Initaneti a Molimau a Ieova. Ia faasolosolo ona aʻoaʻoina lau tagata aʻoga e faitau le Tusi Paia i aso uma, sauniuni mo sauniga a le faapotopotoga, ma saʻili tali o a latou fesili. Ia fesoasoani i ai e manatunatu loloto i mea ua latou aʻoaʻoina.

MAIMOA I LE VITIŌ FESOASOANI I LAU TAGATA AʻOGA O LE TUSI PAIA IA FAFAGA I LATOU LAVA FAALEAGAGA, ONA TALI LEA O FESILI NEI:

• 

  Na faapefea ona fesoasoani Neta iā Rosa ina ia iloa, e tele mea e aofia ai i le sauniuni mo le suʻesuʻega nai lo le tau ina suʻe o le tali?

• 

  O le ā na fesoasoani e faatalitonu ai Rosa, e saʻo tapulaa a Ieova e faatatau i amioga lē mamā taufeusuaʻiga?

• 

  O le ā na aʻoaʻoina e Rosa e faatatau i le manatunatu loloto?