Fesoasoani i Lau Tagata Aʻoga ia Atiaʻe se la Faiā ma Ieova

E finagalo Ieova e tatou te auauna iā te ia ona e tatou te alolofa iā te ia. (Mat 22:37, 38) O le alofa mo le Atua e maua ai e le tagata aʻoga le malosi e faia ai suiga manaʻomia ma tumau ai pe a fesagaʻia luʻi. (1Io 5:3) O lo latou alofa mo Ieova e uunaʻia ai i latou e papatiso.

Ia fesoasoani i lau tagata aʻoga ia latou iloa le alofa o le Atua mo i latou. Ia fai atu ni fesili e pei o le: “O le ā e te aʻoaʻoina mai i lenei mea e faatatau iā Ieova?” po o le “E faapefea ona faailoa mai i lenei mea le alofa o Ieova mo oe?” Ia fesoasoani ia latou iloa le auala o loo fesoasoani mai ai Ieova iā i latou. (2No 16:9) Ia faailoa i ai le auala na tali mai ai Ieova i au tatalo, ma faalaeiau o ia e mātau le auala o loo tali mai ai Ieova i ana tatalo. E tatou te maua le fiafia pe a tatou mātauina ua lagona e le tagata aʻoga le alofa o Ieova, e na te alofa foʻi iā te ia ma manaʻo e avea o ia ma ana uō.

MAIMOA I LE VITIŌ FESOASOANI I LAU TAGATA AʻOGA IA ATIAʻE SE LA FAIĀ MA IEOVA, ONA TALI LEA O FESILI NEI:

• 

  O le ā le luʻi na fesagaʻia e Rosa?

• 

  Na faapefea ona fesoasoani Neta iā Rosa?

• 

  Na faapefea ona manumalo Rosa i lenei luʻi?