Talavou—Ia Saʻoloto Lau Talanoa i Ou Mātua

Aiseā e tatau ai ona e faailoa atu i ou mātua ou manatu? (Fat 23:26) Ua tofia i laʻua e Ieova e tausia ma puipuia oe. (Sl 127:3, 4) O le a faigatā ona la fesoasoani iā te oe, pe afai e te nanāina ou manatu ma popolega uma mai iā i laʻua. E lē gata i lea, o le a e lē iloa ai mea aogā na tutupu i o la olaga. Pe e sesē pe a e lē fia talanoa i isi mataupu? Atonu, ae ia faaeteete ina ia aua neʻi e faasesēina ou mātua.—Fat 3:32.

E faapefea ona e talanoa i ou mātua? Taumafai e filifili se taimi talafeagai mo oe ma laʻua. Pe afai o se luʻi lenā mea, ia tusi se tusi i se tasi o i laʻua e faailoa atu ai ou faalogona. Ae faapefea pe a la mananaʻo e talanoa i se mataupu e te lē manaʻo e talanoaina? Ia manatua, e matuā mananaʻo ou mātua e fesoasoani iā te oe. Ia vaai i ou mātua o ni uō ae lē o ni fili. O taumafaiga e te faia ina ia saʻoloto lau talanoa i ou mātua, o le a e maua ai aogā i lou olaga i le taimi nei ma le lumanaʻi.—Fat 4:10-12.

MAIMOA I LE VITIŌ LOʻU OLAGA TALAVOU—E FAAPEFEA ONA OU TALANOA I OʻU MĀTUA? ONA TALI LEA O FESILI NEI:

• 

  O le ā na iloa e Esther ma Partik e faatatau iā i laʻua?

• 

  O le ā e mafai ona e aʻoaʻoina mai i le faaaʻoaʻoga a Iesu?

• 

  O ā auala ua faaalia ai e ou mātua lo la manatu mamafa iā te oe?

• 

  O ā mataupu silisili o le Tusi Paia e fesoasoani iā te oe e talanoa ai i ou mātua?