E Mafai Ona E Saosaolaumea i le Fiafia o Lou Aiga

E finagalo Ieova e maua e aiga le fiafia. (Sl 127:3-5; Fai 9:9; 11:9) Peitaʻi, e mafai ona mou atu lo tatou olioli ona o popolega mai i lenei lalolagi, ma mea sesē e faia e isi sui o le aiga. E faapefea ona saosaolaumea sui taʻitasi o le aiga i le mauaina o le olioli?

E faaalia e le tane le āva i lana avā. (1Pe 3:7) E na te faaalu le taimi faatasi ma ia. E na te faamatala atu mea e na te faatalitalia mai iā te ia, ma faailoa atu lona talisapaia o mea e faia e le avā mo ia ma le aiga. (Ko 3:15) E na te faailoa atu foʻi lona alofa ma viiviia o ia.—Fat 31:28, 31.

E saʻilia e le avā auala e lagolagosua ai i lana tane. (Fat 31:12) E gauaʻi ma galulue faatasi ma ia. (Ko 3:18) E talanoa atu ma le agalelei i lana tane, ma faia faamatalaga lelei e faatatau iā te ia.—Fat 31:26.

E faaalu e mātua le taimi ma a latou fanau. (Te 6:6, 7) E latou te taʻu atu iā latou fanau e latou te alolofa iā i latou. (Mat 3:17) E latou te avatuina aʻoaʻiga i se auala alofa ma faautauta.—Efe 6:4.

E usiusitaʻi ma āva le fanau i o latou mātua. (Fat 23:22) E latou te faailoa atu i mātua o latou manatu ma faalogona. E latou te talia aʻoaʻiga, ma faaaloalo i o latou mātua.—Fat 19:20.

MAIMOA I LE VITIŌ ATIAʻE LE OLIOLI I TOTONU O LOU AIGA, ONA TALI LEA O LE FESILI LENEI:

O le ā na faia e sui taʻitasi o le aiga ina ia maua ai le olioli?