Tauiviga Faapitoa iā Setema Ina ia Faalauiloa le Malo o le Atua!

A o faagasolo Setema, o le a tatou faia taumafaiga e faailoa atu le Malo o le Atua, ua na o le pau lea o le vaifofō mo faafitauli. (Mat 24:14) E faapefea ona faia sou sao? Ia faasoa atu se mau e faatatau i le Malo o le Atua i le tele o tagata a o faagasolo le masina. Pe a faaalia e se tasi le fiafia, ia ofo le lomiga mo le lautele o Le Olomatamata Nu. 2 2020. Ia toe asia i latou na faaalia le fiafia i le vave e mafai ai, ma taumafai e amata se suʻesuʻega faale-Tusi Paia i le polosiua Se Olaga Fiafia e Faavavau! E mafai ona filifili e paeonia lagolago i le masina o Setema mo le 15 po o le 30 itula.

Ua toeitiiti ona faaumatia lea e le Malo o le Atua malo uma e tetee iā te ia. (Ta 2:44; 1Ko 15:24, 25) Tau ina ia tatou faaaogā atoatoa lenei avanoa, e faailoa atu ai lo tatou lagolagoina o Ieova ma lona Malo!