Tauiviga Faapitoa iā Novema Ina ia Faalauiloa le Malo o le Atua

Na faalauiloa atu e Iesu “le tala lelei o le malo o le Atua.” (Lu 4:43) Na ia aʻoaʻo foʻi tagata e tatalo mo lenā Malo. (Mat 6:9, 10) Iā Novema, o le a tatou faia ai se tauiviga faapitoa ina ia faalauiloa atu le Malo o le Atua. (Mat 24:14) Ia faatulaga lau faasologa ina ia faia sou sao atoatoa i lenei tauiviga. O i latou uma e paeonia lagolago i lea masina, e mafai ona filifili e paeonia mo le 30 po o le 50 itula.

Ia faasoa atu se mau e faatatau i le Malo o le Atua i le toʻatele o tagata e mafai ai i la outou oganuu. Pe a filifili se mau e faitau atu, ia mafaufau foʻi i talitonuga o tagata o loo e talanoa i ai. Pe afai e faaalia e se tasi le fiafia i le uluaʻi asiasiga, ia ofo i ai se kopi o le lomiga mo le lautele o Le Olomatamata Nu. 2, 2020. Ia vave ona toe foʻi e asi o ia ma taumafai e amata se suʻesuʻega faale-Tusi Paia, e faaaogā ai se lomiga mai i a tatou Meafaigaluega mo le Aʻoaʻo Atu. E lē o toe umi ona faaumatia lea e le Malo o le Atua o isi malo uma o loo tetee atu i ai. (Ta 2:44; 1Ko 15:24, 25) O lea, seʻi o tatou faaaogā tatau lenei avanoa faapitoa e faailoa atu ai, e tatou te lagolagoina Ieova ma lona Malo!