AUALA E OLA AI O SE KERISIANO
Mātua, ia Fesoasoani i Lau Fanau e Maua le Atamai o le Atua
O se tasi o auala e fesoasoani ai mātua i le fanau e maua le atamai o le Atua, o le fesoasoani iā i latou e maua aogā mai i sauniga. O mea e vaai ma faalogo ai talavou, ma a latou tali sauniga, e latou te iloa ai Ieova ma avea ma ana uō vavalalata. (Te 31:12, 13) Pe afai o oe o se matua, e faapefea ona e fesoasoani i lou alo e maua le tele o aogā mai i sauniga?
Taumafai malosi e auai i sauniga i le Maota mo Sauniga.—Sl 22:22
Ia lava se taimi e fefaalaeiauaʻi ai i le Maota a o leʻi amata po o le māeʻa foʻi o le sauniga.—Epe 10:25
Ia faamautinoa e tofu sui uma o le aiga ma kopi o lomiga o loo faaaogā i le sauniga, a lē o se kopi lolomi po o se kopi i masini
Fesoasoani i lou alo e faia sana tali i ana lava upu. —Mat 21:15, 16
Talanoa fiafia e faatatau i sauniga ma mea na aʻoaʻoina ai
Faalaeiau lau fanau e talanoa i tagata matutua o le faapotopotoga, ma faia so latou sao i galuega e pei o le faamamāina o le Maota mo Sauniga
E tele taumafaiga e fai ina ia fesoasoani i lau fanau e vavalalata iā Ieova, ma e ono lē faigofie i nisi taimi. Peitaʻi, ia e mautinoa e mafai ona fesoasoani Ieova iā te oe.—Isa 40:29.
MAIMOA I LE VITIŌ I LE AVEA O NI MĀTUA, IA FAALAGOLAGO IĀ IEOVA MA LONA MALOSI, ONA TALI LEA O FESILI NEI:
O ā aafiaga o le vaivai ma le lē lavā i le uso ma le tuafafine?
Aiseā e tatau ai i mātua ona faalagolago iā Ieova mo le malosi?
O ā auala na faalagolago ai le uso ma le tuafafine iā Ieova mo le fesoasoani?