Po o Faafofoga Mai le Atua i Au Tatalo?
Pe a e tatalo, faamata o faafofoga moni mai le Atua iā te oe?
LE MANATU O LE TUSI PAIA
O loo faafofoga mai le Atua. Ua faamautinoa mai e le Tusi Paia: “E latalata Ieova iā i latou uma e valaau atu iā te ia, o i latou uma e valaau atu iā te ia ma le faamaoni. . . . E faafofoga foʻi o ia i a latou alaga mo se fesoasoani.”—Salamo 145:18, 19.
E finagalo le Atua ia e tatalo atu iā te ia. Ua faapea mai le Tusi Paia: “Ia faailoa atu o outou manaʻoga i mea uma lava i le Atua, i le tatalo ma le faatoga, atoa ma le faafetai.”—Filipi 4:6.
E manatu mamafa le Atua iā te oe. O loo silafia e le Atua o tatou popolega ma e finagalo e fesoasoani mai. Ua faapea mai le Tusi Paia: “[Ia] lafo atu o outou popolega uma iā te ia, auā o loo manatu mamafa mai o ia iā te outou.”—1 Peteru 5:7.