Faatomuaga

Ua aafia le faitau miliona o tagata i le lalolagi aoao, i faafitauli o le mafaufau. E tusa pe e talavou pe e matutua, po o ā tulaga tau tamaoaiga ma tulaga tau aʻoaʻoga, eseese aganuu ma tapuaʻiga, ae e mafai lava ona aafia i āuga o faafitauli o le mafaufau. O ā faafitauli o le mafaufau, ma o ā aafiaga i tagata? O le a talanoaina i lenei mekasini le tāua o le saʻilia o togafitiga talafeagai faafomaʻi pe a iai ni āuga, faapea ni auala aogā e fesoasoani ai le Tusi Paia iā i latou ua aafia.