Sina Fesoasoani mo Saʻiliʻiliga
Ia Taumafai e Manatua Upu o “Pese Faaleagaga”
“Pe a ou lagona le lotovaivai, e faalaeiauina aʻu e Ieova e ala i pese o loo i le TV i le Initaneti a Molimau a Ieova.”—Lorraine, Iunaite Setete.
O “pese faaleagaga” o se vaega o la tatou tapuaʻiga. (Kolo. 3:16) E mafai ona fesoasoani iā te oe le manatuaina o upu o nei pese, e tusa pe leai sau tusi pese po o se masini faaonapōnei. Ia taumafai e faataʻitaʻi nisi nei o auala e manatua ai upu o pese.
Ia faitau lelei upu o pese ina ia malamalama ai i le uiga. E faigofie ona e manatua se mea pe a e malamalama i lona uiga. O loo maua i le jw.org upu uma o a tatou pese e aofia ai a tatou fatuga, ma pese mo le fanau. Tagaʻi i le vaega Lomiga ma Isi Mea, ona oomi lea o le Musika.
Ia tusi i se pepa upu o pese. O le faia faapea o le a atili faigofie ai ona e manatua upu o pese.—Teu. 17:18.
Ia faataʻitaʻi leotele. Ia faitau pe usuina e lē aunoa pese.
Ia faataʻitaʻi po o e manatua. Ia taumafai e manatua upu o pese e aunoa ma le vaai i ai ina ia iloa ai po o e manatuaina.