Saʻili ʻOa Faaleagaga Ina ia Faatatauina

Pe a tatou faitau i le Tusi Paia, ia saʻili mo ni ʻoa faaleagaga e ala i le faia o ni saʻiliʻiliga. Ae e faapefea ona tatou maua atoatoa aogā?

Ia saʻiliʻili loloto i faamatalaga e faatatau i tala o le Tusi Paia. O se faaaʻoaʻoga, o lē na tusia, o ē na tusi atu i ai, ma le taimi na tusia ai. O ā tulaga o mea na iai? O ā mea na tutupu a o leʻi tusia ma ina ua uma ona tusia se tala?

Ia malamalama i lesona e ala i le tilofaʻia o fesili nei: ʻO ā faalogona o tagata o loo iai i le tala? O ā uiga na latou faaalia? Aiseā e ao ai ona ou faaaʻoaʻo i na uiga pe ʻalofia foʻi?’

Ia faatatau lesona e te aʻoaʻoina i lau faiva po o feutagaʻiga ma isi tagata. O le faia faapea, e te faaalia ai le atamai mai i le Atua, auā ua taʻua i le Salamo 107:43: “O lē e atamai, e tausia e ia nei mea uma.”

• Fesoasoani: Ia mātau i le vaega o le sauniga ʻOa Tautele Mai i le Afioga a le Atua, le auala e taulaʻi atu ai i le faatatauina o mea e tatou te aʻoaʻoina. E masani ona aofia ai i lenā vaega fesili, manatu, ma ata e tatou te manatunatu loloto i ai.