Faasoa Atu i Isi Mea na E Aʻoaʻoina

O suʻesuʻega a le tagata lava ia e na te lagona ai le faafouina. E atili faafouina foʻi o ia, pe a ia faasoa atu i isi manatu faalaeiau na ia aʻoaʻoina. Ua taʻua i le Faataoto 11:25: “O lē e na te faafouina isi, e faafouina o ia.”

O le faasoa atu i isi o mea na tatou aʻoaʻoina, e faigofie ai ona tatou manatua na manatu ma faalolotoina ai lo tatou malamalamaga. E mafai foʻi ona aogā i isi na manatu, ma tatou maua ai le fiafia.—Galu. 20:35.

Faataʻitaʻi le mea lenei: Ia saʻili avanoa e faasoa atu ai mea ua e aʻoaʻoina i se tasi. E mafai ona e faia faapea i sou tauaiga, se tasi i le faapotopotoga, o sē e lua te faigaluega pe aʻoʻoga faatasi, se tuaoi po o se isi e te feiloaʻi ai i le talaʻiga. Ia taumafai e faailoa atu na manatu i au lava upu, i se auala faigofie ma manino.

Ia manatua: Ia faasoa atu i isi manatu na e aʻoaʻoina ina ia faalaeiau ai i latou, ae e lē ina ia faaofo ai i latou.—1 Kori. 8:1.