Na Aʻoaʻoina e Iesu le Usiusitaʻi

Na faaalia e Iesu le usitaʻi iā Ieova i taimi uma. (Ioa. 8:29) Aiseā la ua taʻua ai i le Tusi Paia: “Na ia aʻoaʻoina le usiusitaʻi mai i mea na puapuagatia ai o ia”?—Epe. 5:8.

Ina ua afio mai Iesu i le lalolagi, na feagai o ia ma tulaga e na te leʻi fesagaʻia a o iai i le lagi. O se faataʻitaʻiga, e ui na alolofa ona mātua iā Ieova, ae o i laʻua o ni tagata e lē lelei atoatoa. (Luka 2:51) Na sauāina o ia e taʻitaʻi lotu ma pule o malo e amio piʻopiʻo. (Mata. 26:59; Mare. 15:15) E lē gata i lea, na “ia faamaulalo iā te ia lava, ma iʻu ai ina usiusitaʻi e oo i le oti” i se auala e matuā tigā.—Fili. 2:8.

O na mea na tutupu, na aʻoaʻoina ai e Iesu nisi auala e faaalia ai le usitaʻi, e ese mai i auala na ia aʻoaʻoina a o iai i le lagi. Ua matuā talafeagai ai la ona avea o ia ma Tupu ma o le Ositaulaga Sili, e faaalia le tigā alofa iā i tatou. (Epe. 4:15; 5:9) O le usiusitaʻi o Iesu e ui i tulaga faigatā, na atili ai ona tautele o ia i le silafaga a Ieova. E mafai foʻi ona tautele i tatou i le silafaga a Ieova ma taulau i so o se faaeaga e na te tofia i ai i tatou, pe afai e faaauau ona tatou usiusitaʻi e ui i tulaga faigatā.—Iako. 1:4.