Taua—O le ā o le a Faia e le Malo o le Atua?

I le lalolagi aoao, o loo faaauau ona avea taua ma faapogai o le tele o mafatiaga, puapuaga, ma mea ua faaleagaina. Mātau nisi o lipoti nei:

• “Talu mai le 1994, o le tausaga ua mavae lea ua faamauina ai le matuā toʻatele o tagata ua maliliu ona o taua, aemaise lava i Aitiope ma Ukraine.”—Peace Research Institute Oslo, Iuni 7, 2023.

• “O le taua i Ukraine, ua na o se tasi lea o fevaevaeaʻiga na faateteleina i le 2022. I le lalolagi aoao, e 27% na sili atu ai ona faateteleina fevaevaeaʻiga i le tausaga ua mavae, ona o faiga faapolotiki. O le iʻuga, ua aafia ai le pe ā o le 1.7 piliona o tagata.”—The Armed Conflict Location & Event Data Project (ACLED), Fepuari 8, 2023.

O loo aumaia i le Tusi Paia se faamoemoe. O loo taʻua ai o le a faatūina “e le Atua o le lagi o le malo e lē faaumatia lava.” (Tanielu 2:44) E ala i le pulega a lenā Malo, o le a ʻfaaiʻuina ai e le Atua taua i tuluʻiga o le lalolagi.’—Salamo 46:9.