Faafitauli Tau Tamaoaiga—O le ā o le a Faia e le Malo o le Atua?

Ua lē lava le faasoa a le toʻatele o tagata i le lalolagi, ma ua faasolo ina matuā faigatā le tulaga tau tupe.

• E tusa ai ma se lipoti a le lalolagi aoao talu ai nei,a ua “matuā paʻū maulalo le totogi o tagata faigaluega i masina taʻitasi.” Ua taʻua i le lipoti pe a lē faia i ai se fuafuaga, “o le a matuā telē le eseesega o alagātupe a tagata mauʻoa ma tagata lē tagolima,” ma paʻū maulalo “le tamaoaiga o tagata faigaluega ma o latou aiga.”

Pe e mafai e faigāmalo ona foʻia lenei faafitauli?

O loo faamatala i le Tusi Paia se faigāmalo e mafai moni ona foʻia faafitauli tau tupe e aofia ai le eseese o le tamaoaiga. Ua taʻua ai ʻo le a faatūina e le Atua o le lagi o le malo,’ ma e na o le pau lea o le malo o le a aveesea faafitauli uma o le lalolagi. (Tanielu 2:44) I le pulega a lenā Malo, o le a tutusa faamanuiaga e maua e tagata uma. (Salamo 9:18) O le a faamautinoa e le Malo o le Atua e maua e ona tagatānuu mea uma e latou te manaʻomia ina ia ola fiafia ai. O le a olioli tagata uma i le taui o a latou galuega mamafa.—Isaia 65:21, 22.