Taʻitaʻi Faapolotiki Piʻopiʻo—O le ā o le a Faia e le Malo o le Atua?

Talu ai ua fiu tagata i taʻitaʻi faapolotiki e fai mea piʻopiʻo, o lea ua latou mananaʻo ai i ni taʻitaʻi e maufaatuatuaina. I se suʻesuʻega na faia i le lalolagi aoao ma lomiaina i le 2023, ua faatulaga mai ai taʻitaʻi o malo, o le vaega lea o tagata e sili ona lē maufaatuatuaina e le toʻatele.a

Ua faailoa mai i le Tusi Paia se faigāmalo lea e iai sona taʻitaʻi e matuā maufaatuatuaina, faamaoni, ma e lē fai mea piʻopiʻo. O lenā faigāmalo o le Malo o le Atua, ma o lona Taʻitaʻi o Iesu Keriso.—Isaia 9:7.

Ua faamaonia mai e Iesu i ana gaoioiga lona manatu mamafa moni i tagata. (Mataio 9:35, 36) I le avea ai ma Tupu o le Malo o le Atua, o le a ia aumaia le faamasinotonu ma le filemu iā i latou uma e gauaʻi i lana taʻitaʻiga.—Salamo 72:12-14.