Po o Iesu o le Atua o Lē Ona le Malosi Uma Lava?

Tali a le Tusi Paia

Na tuuaʻia e ē na tetee iā Iesu o ia ona o lona faapea mai e tutusa i laʻua ma le Atua. (Ioane 5:18; 10:30-33) Peitaʻi, e leʻi faapea mai lava Iesu e tutusa o ia ma le Atua o Lē ona le malosi uma lava. Na ia fetalai: “Auā e sili le Tamā iā te aʻu.”—Ioane 14:28.

E leʻi talitonu foʻi uluaʻi soo o Iesu e faapea e tutusa o ia ma le Atua o Lē ona le malosi uma lava. O se faaaʻoaʻoga, na tusi le aposetolo o Paulo e faapea, ina ua mavae le toetū o Iesu na ‘faaeaina o ia e le Atua i se tulaga e sili ona maualuga.’ E manino mai, e leʻi talitonu Paulo e faapea e tutusa Iesu ma le Atua o Lē ona le malosi uma lava. Auā pe ana faapea e tutusa Iesu ma le Atua, e faapefea la ona faaeaina e le Atua Iesu i le tulaga sili ona maualuga?—Filipi 2:9.