E Aumaia e Ieova le Faamoemoe i Taimi o Faanoanoaga
O IEOVA “o le Atua e aumai ai le faamoemoe” e oo lava i le taimi o faanoanoaga. (Roma 15:13, NW) Na faamanino mai lenei manatu i le tusi o Auega, na faaumaina ona tusia e le perofeta ma o se molimau a Ieova, o Ieremia i le 607 T.L.M. A e peitai, seʻi o tatou faatāuaina nisi o lesona o loo i ai.
Puapuaga o Ierusalema
E leai se olioli e aumaia e le agasala. Faauta! Ua tuua toatasi Ierusalema agasala, le aai o Iuta sa faatumuina i tagata. Ua avea Iuta lava ia e pei o se alo tamataʻi o loo tagituʻi, o sē ua oti lana tane, ona ua faatafunaina. O ana “uo” e pei o Aikupito, na lē mafai ona latou laveʻai ia te ia ma i le faoina faamalosi e Papelonia i le 607 T.L.M. Ua lē toe gasolo atu tagata i Siona mo ni tausamiga. Ua faatagataotauaina ana fanau, ma ua featani ona fili ia te ia ona o lona faatafunaina. Ua ō atu tagata ese ma latou faaaogāina le malumalu i ni auala sese, ma ua avatu e ona tagata a latou mea tāua e faatau mai ai mea e ʻai. Ua faia nei mea uma ona o le agalasa!—1:1-11
E amiotonu Ieova i lona faasalaina o ē fai mea sese. Ua faatagaina lenei mea e pei ona tautala mai ai Ierusalema lava ia. Ua ia fesili mai pe e i ai ni faanoanoaga e pei o tigā na tuu atu e le Atua ia te ia. Na ia auina mai le afi ma faaumatia ai le malumalu. Na avea le agasala a le aai ma avega mamafa, ma na tafe atu le toto e pei o le sua o le vine ina ua solia e le Atua lona “soligāvine.” Na faaloaloa mai e Siona ona lima ona o le faanoanoa, na augani mai, a e leai se faamafanafana na maua, ma na amiotonu Ieova i lona faasalaina o Ierusalema lē usiusitai. Tau ina ia matuā ogoogo lona feagai ai ma ona fili o ē ua femitai i lo latou manumalo.—1:12-22
‘Le Toasa o Ieova’
E tatau ona taʻusalaina i latou o loo tauaveina ni tiute pe afai latou te lē taʻusalaina le agasala. Na lafo ifo e le Atua Ierusalema “mai le lagi i le lalolagi,” ma faatagaina o ia ina ia faaumatia, ma avea le malumalu ma “mea e tu ai ona aao.” (Salamo 132:7) O lea na te “faaleagaina . . . [o] le malo” o Iuta. Na faaumatia e fili le malumalu e pei ua na o se fale apitaga, ma o latou alaga manumalo na pei o ni alaga o tausamiga. Na āisi atu tamaiti o le a feoti i o latou tinā mo ni meaʻai. A e o ai sa sili ona faia le agasala? O perofeta pepelo o ē na faia faamatalaga taufaasese, na i lo o le taʻusalaina o le agasala a Ierusalema. (Ieremia 14:13) E fetaui lelei lava le tatalo, auā e matuā toatele lava i latou na feoti i lenei ‘aso o le maʻemaʻeā o Ieova.’!—2:1-22.
E Tumau le Alofa Mutimutivale o Ieova
E tatau lava ona tatao ufaamoemoe ma le onosai ia Ieova. Ua taʻua e Ieremia lenei manatu a o ia tautalo e fai ma sui o tagata ua tigaina. E leʻi talia e Ieova lana tatalo, ma ua avea ai o ia ma autū o pese faifai a ona fili. Ua foliga mai ua faaumatia lona “faatuatuaga” po o lona faamoemoe mai ia Ieova. A e o le a ia “faamoemoe” pea auā “o loo agalelei Ieova i e faatalitali ia te ia.”—3:1-27.
O le salamō moni e aumai ai le alofa tunoa tauatua. I lona faamautinoaina o lenei mea, ua uunaʻia mai ai Ieremia: “Ia tatou toe foi atu ia Ieova.” Ua pei o se ao mafiafia o le toasa ua ufitia ai e Ieova o ia, ina ia lē sao atu i ai tatalo a tagata ona o ā latou agasala. A e ua tatalo Ieremia: “Ieova e, na ou valaau atu i lou suafa, . . . aua neʻi ʻalo ou fofoga i loʻu mapuitigā.” O le mea moni, o fili e lē salamō o le a matuā faaumatia lava—3:28-66.
‘Ia Toe Faafoisia i Matou’
E mafai ona tatou aumaia le faaumatiaga i o tatou luga ona o le agasala ma le loto i ai. Ona o le agasla a Iuta, na vaaai ai tagata i “tama pele a Siona” ua tusa ma se ipu omea ua taʻe e leai se aogā. I le taimi na siomia ai, sa sili ona lelei i latou na fasia i le pelu na i lo o isi na faifai malie ona feoti i le matelaina ona o le leai o ni meaʻai. Na matuā ‘sasaaina e le Atua le tele o lona toasa.’ O ō latou perofeta ma faitaulaga ua onanā, sa tautoʻai solo e pei o tauaso, ma na puea ai foi le Tupu o Setekaia—‘o le na faauuina e Ieova.” O lea, o le a liuliualo atu ai loa le Atua ia Etoma tumu i le agasala.—4:1-22.
Ua na o Ieova lava e auamaia le faamaoemoe moni i taimi o faanoanoaga. Na iloa lelei e Ieremia lenei mea, auā na ia ole atu: “Ieova e, ia e manatua le mea ua oo ia te i matou.” ‘Ua nofoia e tagata ese o matou fale. Ua tauave e i matou le agasala a ō matou āugatamā, ua ave foi e fanau fafie ma le tiga.’ Peitai, ua faamoemoe Ieremia mo le alofa tunoa, i lona tatalo atu faapea: “Ieova e, ia e faafoisia atu i matou ia te oe, ona matou toe foi atu ai lava lea.”—5:1-22 NW.
Seʻi manatunatu i tua i nei lesona na aʻoaʻo mai i le tusi o Auega. E lē aumaia e le agasala le olioli. E amiotonu le Atu i lona faasalaina o ē agasala, ma i latou ua tatau ai e mafai ona agasala pe a latou lē faaumatiaina le faia o mea sese. E tatau ona tatou faamoemoe ma le onosaʻi ia Ieova, ma ia mautinoa e oo mai le alofa mutimutivale tauatua pe afai e salamō moni, a e peitai e mafai ona tatou aumaia le faaumatiaga ia i tatou lava e ala i le agasala ma le loto i ai. Ua mautinoa mai foi e lenei lava tusi faagaeeina ia i tatou faapea, ua na o Ieova lava e aumai le faamoemoe moni i taimi o faanoanoaga.