Faalogo ia Ieova a o Latalata Mai le Iʻuga
“Amuia le tagata ua faalogologo mai ia te au . . . Auā o le au maua aʻu, ua maua e ia le ola.”—FAATAOTO 8:34, 35.
1, 2. (a) E ui lava i le leai o se filemu i le faagasologa o le tala faasolopito o le tagata, a e o le ā ua fai mai ai nei nisi? (e) Ai se ā ua lē mafai ai ona maua le filemu moni, e ala i taumafaiga faaletagata?
E ui lava i lea o se filemu i le faagasologa o le tala faasolopito, a e ua fai mai lava nisi, ua faia nei e malo ni laasaga e foia ai o latou faafitauli. Ua latou faasino atu i le mea moni faapea, ua faia e taʻitaʻi o le lalolagi ni fonotaga sili, e talanoaina ai le filemu ma sainia ni maliega eseesega. Ioe, na oo lava ina faalauiloa mai e Malo Aufaatasi le tausaga ua mavae e avea ma “Tausaga Faavaomalo o le Filemu”! Sa i ai le faamoemoe, o le a vaaia i lenei mea le amataga o ni taumafaiga faaopoopo a malo, ia siitia le filemu, ma o le a mafai lava ona taulau i se taimi e lē o toe mamao.
2 Peitaʻi, pe ua mafai ea e ni taumafaiga faapena i le faagasologa o le tala faasolopito ona aumaia le filemu tumau? Afai na mafai i taumafaiga faaletagata, ua la ona leva ona i ai le filemu—i se leva a o leʻi i ai le lima piliona o tagata ua fevaevaeaʻiina nei i le sili atu i le 160 atunuu, faatasi ai ma le lē mafaitaulia o le matalasi o faiga faapolotiki, tau tamaoaiga, ma filosifia faalotu. A e sa leʻi i ai lava se filemu; ma o lē a lē mafai foʻi ona iʻu e se filemu taumafaiga uma a taʻitaʻi o lenei lalolagi. Ai se ā e leai ai? E tasi lava le mafuaaga, ona ua oo nei ina matuiā faafitauli o le fanau a tagata ua le mafai ai ona foia i na o taumafaiga a tagata lava latou. O lea ua saʻo lelei ai le faapea mai o le Ieremia 10:23: “E le o i le tagata e savali ona faatonuina le mea e ui ai o ia.”
Le Pogai Ua Lē Manuia ai Taumafaiga Faaletagata
3. Mo le a le isi mafuaaga o le a lē mafai ai e tagata ma malo ona aumaia le filemu moni?
3 E i ai foʻi le isi mafuaaga ua lē mafai ai e taumafaiga a tagata ma malo ona aumaia le filemu moni. Ua faasino i ai e le Tusi Paia i le 1 Ioane 5:19, i le faapea mai: “A o le lalolagi uma o loo nofo toilalo i loo leaga.” Ua faaalia i le Faaaliga 12:9 e faapea o lē o loo leaga” o lē “ua igoa i le tiapolo, i le ma Satani, o lē faasese i le lalolagi uma.” Ua taʻua foʻi o ia i le 2 Korinito 4:4 o “le atua o le lalolagi nei [lenei faiga o mea].” O lea, o lenei faiga aoao o mea faapolotiki, tau tamaoaiga, ma pulega faalotu, lea ua faia faiga e sili atu ona sauā, o fua na o le pulega a Satani, a e lē o le pulega a le Atua. O lea, pe a tautala e uiga i le poto e sau ma i le Atua, o le pogai lena ua fai mai ai le 1 Korinito 2:8: “O le [poto] na le iloa e se alii e tasi o lenei lalolagi.”—Luka 4:5, 6.
4. O le ā na iʻu i ai ina ua lē faalogo o tatou uluaʻi mātua ia Ieova?
4 Ina ua fouvale Satani faasaga i le Atua, na ia faatosina ese ō tatou uluaʻi matua ina ia faalogo ia te ia na i lo o le faalogo i le Atua. Ma o le iʻuga la, ua la liliu ese ma le usiusitaʻi atu i le Atua, ma aumaia ai i le aiga faaletagata le 6,000 tausaga o tigā ma faanoanoaga. Ua taʻu manino mai lava e le Tusi Paia ia i faapea, na faaseseina e Satani tagata ina ia latou talitonu, e sili ona lelei ni mea latou te faia, pe afai latou te lē faalogo atu i Lē Na Foafoaina i latou. (Kenese 3:1-5) O lea, ua tuu atu ai e Ieova i le lalolagi o le fanau a tagata e tusa ai ma lona poto, e faia ana lava taumafaiga na o ia i le tulaga lautele, e aunoa ma lana taʻitaʻiga, e oo mai lava i aso nei. Ma o le mea moni i le faagasologa o nei senituri uma, na matuā mautinoa ai lava le lē taulau o pulega faaletagata.—Teuteronome 32:5; Failauga 8:9.
5. E tusa lava pe atonu e mafai ona aumaia le filemu e taumafaiga faaletagata, a e o le ā o le a tumau pea ona ia i tatou
5 A e lē gata foʻi i lea, ina ua lē faalogo Atamu ma Eva ia Ieova le Puna o le ola lelei atoatoa, na oo ina la lē lelei atoatoa ma mulimuli ane ua feoti. O lea, o a la fanau uma, ua fananau mai ma le lē lelei atoatoa. O faamaʻi, olaga matua, ma le oti ua avea o se vaega tele a le fanau a tagata. (Roma 5:12) O le mea lea, e tusa lava pe manuia taumafaiga faaletagata e aumaia le filemu, a e lē mafai lava ona latou fofōina le lē lelei atoatoa ua tuufaasolo mai. O le a tumau pea ona tatou mamaʻi, matutua, ma feoti. Talu ai ona o Satani lava ua paʻū i ai lenei mea, o lea na fetalai ai Iesu e uiga ia te ia: “O le fasioti tagata ia talu le amataga, e leʻi tumau lava ia i le upu moni.” (Ioane 8:44) O le mea moni lava, a e manatunatu i le faitau piliona o ē na feola ma ua feoti i aso ua mavae, e pei lava na fasiotia i latou uma e Satani.
6. O ai ē faamalepe filemu, ma o le ā e tatau ona oo ia i latou?
6 Na faatosina foʻi e Satani isi mea faiola agaga e ʻau faatasi ma ia e fouvale, ma o nei tagata amio leaga uma na mumusu e faalogo a o fetalai Ieova. O Satani foʻi la, o ana temoni, ma tagata fouvale ua latou aumaia lenei lalolagi i lona tulaga ua i ai nei. E tatau lava ona tafiesea i latou mai le ala, ina ia faaiʻuina ai lenei 6,000 tausaga o suʻesuʻega i le fia tutoatasi mai le Atua. Ua faamautinoa mai e le Roma 16:20 faapea: “E le pine foi ona solia o Satani . . . e le Atua e ona le manuia,” faatasi ai ma ana temoni, atoa ma tagata uma o ē lē fia faalogo pe a fetalai mai le Atua.—Mataio 25:41.
Se Manaoga Sili Ina Ia Faalogo Nei
7. Ai se ā e tatau ai ona faateleina a tatou taumafaiga, e auauna nei ia Ieova?
7 Ua tatou tuloto atu nei i le faaiʻuga o nei “aso e gata ai.” (2 Timoteo 3:1-5) I le avea la o se iʻuga, ua ia ia nei se manaoga sili sa leʻi faapea ona i ai, ina ia faalogo po o le ā o fetalai mai ai le Atua ia i tatou. O loo i ai se manaoga talafegai lelei, ina ia faateleina lo tatou naunau ina ia faiai ni taulaga e auauna ai ia te ia. Ai se ā ia faateleina ai a tatou taumafaiga? Aua foʻi ua iloa e Satani ua “saasaa ona po.” (Faaaliga 12:12) O lea, o le a mautinoa lava le faateleina o ana taumafaiga ina ia iʻuvale ma faaumatia.
8. (a) Ai se ā ua lē mafai ai ona taofia le galuega talaʻi e ona fili? (e) O le ā e ao ona tatou faia ina ia maua ai pea le lagolagosua tauatua?
8 O le a manao faapitoa lava Satani e taofia Molimau a Ieova mai le talaʻiina o le tala lelei o le Malo. A e na te lē mafaia, auā ua folafola mai e Ieova ia i latou: “O auupega uma e faia e tau ma oe e le manuia ia.” (Isaia 54:17) O i latou e tetee i ana auauna o le a “iloa ua . . . fai taua i le Atua lava.” (Galuega 5:38, 39) O lea, faatasi ai ma le lagolagosua malosi a le agaga o Ieova, o Keriso Iesu, ma le lē mafaitaulia o le au agelu, ua tupu tele ai ma malosi le faalauiloaina o le galuega o le Malo i tausaga taitasi. Ina ia maua pea lena lagolagosua tauatua, ua faaeteete tele ai auauna a Ieova latou te usiusitaʻi i le fautuaga o loo aumai i le Iakopo 4:7, 8: “O le mea lea ia outou gauaʻi a i le Atua; ia outou tetee atu i le tiapolo, ona sola ese ai lea o ia ia te outou. Ia outou faalatalata atu i le Atua, ona faalatalata mai lea o ia ia te outou.”
9. Ai se ā e lē tatau ai ona tatou manatu māmā ia Satani?
9 Aua neʻi manatu māmā i le tomai o Satani e faasese, ma faamanuʻaina i tatou. Ua lapatai mai le Afioga a le Atua: “Ia outou faautauta, ia outou mataala, ona o le au fai outou mona fili, o le tiapolo lea, o loo fealualuaʻi o ia e pei o se leona tagi, ua saili se tasi e ʻaina e ia; ia outou tetee atu ia te ia, ma ia mausali outou i le faatuatua.” (1 Peteru 5:8, 9) A e iloa faapea o loo i ai se leona feai a lou tuaoi ua fealuaʻi sii, e mautinoa la lou faia o ni laasaga uma e puipuia ai oe ma lou aiga. E tatau foʻi ona sili atu ona tatou mataala, faatatau i mea o loo manatu mamafa i ai Satani, auā e mafai ona ia faaleagaina ai i tatou e faavavau. E faanoanoa lava, ona e toatele tagata au leai se puipuiga, auā latou te leʻi iloa lava faapea o lo i ai moni lava Satani. Ai se ā ua faapea ai? Auā foʻi ua latou filifili ia lē faalogo atu i le Afioga a Ieova. Ma o le ā la o le a iʻu i ai lena filifiliga leaga? “O le mea e luluina e le tagata, o le mea lava lea e seleseleina ma iai e ia.”—Kalatia 6:7.
Pe a Latou Alaga Mai ‘O le Filemu ma le Saogalemu!’
10, 11. (a) O le ā e tatau oan tatou manatua faatatau i so o se manuia atonu o le a i malo i le aumaia o le filemu? (e) O le ā ua faaalia i le valoaga a le Tusi Paia, e uiga i sailiiliga a malo mo le filemu i o tatou aso? (i) O le ā le umi o le i ai sea ituaiga o filemu?
10 Aua lava neʻi pueʻa oe e le lē o leoleoina, i se manuia faapea atonu o le a maua e malo i le aumaia o le filemu, Ia manatua pea, e lē o faaaogāina lava e Ieova so o se faalapotopotoga o lenei lalolagi, e faatatau i lena itu. E i ai lava le auala a Ieova ia e aumai ai le filemu moni, ma e na o le pau lava le auala, o lona Malo i lalo o Keriso. O lea, po o ā lava ni manuia atonu ua i malo i le faatuina o le filemu, a e o le a mo sina taimi puupuu, ma ua le o se mea moni. Ae e leai lava se mea o le a ia suia. O le solitulafono, sauā, o taua, matelaina, o le mativa, o aiga malepelepe, amioga lē mamā, o faamaʻi, o le oti, ma Satani ma ana temoni o le a tumau pea ona i ai i a i tatou seʻiloga ua faaumatia e Ieova i latou uma. “Afai e le atiina ae e Ieova le fale, e galulue fua i latou o e atiina ae.”—Salamo 127:1.
11 Ua faaalia i le valoaga a le Tusi Paia e faapea, o le a faia e malo se taumafaiga tuufaatasi e faatatau i le filemu i o tatou aso. Ua ia taʻua faapea: “Auā ua outou iloa lelei lava, o le aso o le Alii e pei o le gaoi i le po, e faapea ona oo mai ai; auā pe a latou fai ane, ‘O le filemu ma le saogalemu!. ona oo lea ia te i latou o le fano faafuaseʻi, faapei o le faatiga o le fafine to a fanau mai, latou te le sosola ai lava.” (1 Tesalonia 5:2, 3 NW) O lena alaga o le Filemu ma le Saogalemu” e lē o lona uiga o le a toe faafoʻi i tua le faaumatiaga o lenei lalolagi. Fai mai le 2 Timoteo 3:13 o “tagata amio leaga ma e taupelopelo, e alualu pea lava lo latou leaga.” O le a tumau pea le mea moni, e pei ona faapea mai se ulu o se faalapotopotoga tau i siomaga: “O le faafitauli autū ua fesagaʻi nei ma le sosaiete faaletagata faapea, ua oo ina lē pulea.”
12. O le ā ua iloa e auauna a Ieova e faatatau i le uiga moni o le oo mai o le alaga, o le ‘filemu ma le saogalemu’?
12 O le toatele o tagata i le lalolagi o le a faaseseina, i faamoemoega lē aogā i le oo mai o le alaga o le ‘Filemu ma le Saogalemu!’ A e o le a le faapena auauna a Ieova, auā latou te faalogo pe a fetalai le Atua. O lea foʻi ua latou iloa ai mai lana Afioga faapea, o sea alaga o le a le aumaia ai le filemu ma le saogalemu moni. Na i lo o lea, o le a manino lava o le faailoga mulimuli, o le a “oo lea ia te ia latou o le fano faafuasei.” O lea ia alagaina le amataga o le “puapuaga tele” o loo faaloloʻu mai, lea na valoia e Iesu faatatau i o tatou aso. Na ia fetalai: “Auā o ia ona po e oo ai le puapuaga tele, e leai sona tusa talu le amataga o le lalolagi, ua oo lava i ona po nei; e le toe faapea foi amuli.”—Mataio 24:21
13. Ua faapefea ona faamatala e le Tusi Paia le iʻuga o pulega faaletagata?
13 I le taimi o le “puapuaga tele,” o le a aumaia ai pulega faaletagata i lo latou iʻuga. Ua faapea mai le Salamo 2:2-6: “Ua tutū mai tupu o le lalolagi, ua pulega faatasi foi alii, e tetee atu ia Ieova ma le na ia faauuina, “Seʻi tatou motusia ese a laua noataga, ma lafoaieseina a laua maea ia te i tatou.” E soisoi le o afio i le lagi; e tauemu le Alii ia te i latou. Ona fetalai atu ai lea o ia i a te i latou i lona toasa, na te faaatuatuvaleina foi i latou i lona toasa tele. A o aʻu, ua ou faauuina laʻu tupu i luga o Siona [faalelagi] loʻu mauga paia.” Ua faaopoopo mai foʻi le Salamo 110:5, 6: “O [Ieova] . . . e fasi e ia o tupu i le aso o lona toasa. E faamasino e ia o nuu ese.” O lea faaiʻuina taumafaiga uma faapolokiti, auā ua faailoa mai e le Isaia 8:9, 10: “Fufusi ia outou ia te outou, a e lepetia outou. Taupulepule ia outou, a e faaleaogāina; ina fai atu ia i se upu, a e le faatumauina; auā o loo ia te i matou le Atua.”
Mautinoa le Faasaoina
14. Ai se ā ua tatou mautinoa ai o le a i ai ni ē faasaoina i le iʻuga o lenei lalolagi?
14 Tatou te mautinoa lava, o le a faailoa pea e Ieova mea uma i ona tagata, ina ia mafai ona latou faia laasaga tatau, ina ia faasaoina ai i le “puapuaga tele” o loo sau. E mafai faapefea ona tatou matua mautinoa? Auā ua faaalia i le valoaga i le Faaaliga 7:9, 14 faapea o le mea moni ua faasaoina se “motu o tagata e toatele” ona faia le mea o fai mai ai le Faaaliga 7:15 e faapea: “Ua latou auauna foi ia te ia . . . i le ao ma le po.” O lea, ua latou faia ai le finagalo o le Atua, maua lana faamaoniga, ma ua puipuia ai i latou in ia sao mai le iʻuga o lenei lalolagi.—1 Ioane 2:15-17.
15. Ua faapefea ona faamatala e Ioelu le solipalaina o lenei faiga o mea, ma o le ā o le a iʻu i ai mo auauna a le Atua?
15 Ua faasino atu foi le Ioelu 3:13-16 i le faasaoina o auauna a le Atua, pe a solipalaina lenei faiga o mea, e pei o vine i le mea e soli ai vine, Ua ia taʻua mai: “Ia outou tuu atu le selesaito, auā ua afu saito; . . . ua taumasuasua o latou tuugāuaina; auā ua tele lo latou leaga. E toatele lava tagata i le vanu e faasalaina ai, auā ua latalata mai le aso o Ieova i le vanu e faasalaina ai. E faapouliuligia le la ma le masina, o fetu foi, e le toe fepulafi mai. E faataio foi Ieova mai Siona (faalelagi), . . . e luluina le lagi ma le lalolagi, a o Ieova, o le malu o ia o lona nuu.”
16. O ā isi valoaga ua faaalia ai o lea faasaoina e Ieova ona tagata mai le faaumatiaga o le lalolagi?
16 E faapena foʻi i le Isaia 26:20, 21, ua fetalai ai Ieova i le oo mai o lena taimi: “Ina o mai ia, loʻu nuu e; ina ulu atu ia i o outou afeafe, ma pupuni outou faitotoa; ia outou lalafi e pei se emo ona puupuu, seia mavae atu le toasa. Auā faauta, o loo afio mai Ieova ai le mea e afio ai o ia, ina ia faasalaina e o nonofo i le lalolagi ona o a latou amio leaga.” O le mea lea, ua faanatinati ma iai le Sefanaia 2:2, 3. “Manū o lei oo mai ia te outou le aso o le toasa o Ieova. Ia outou saili ia Ieova, outou uma ua agamalu i le nuu, o e au faia lana faamasinoga; ia outou saili le amiotonu, ia outou saili le agamalu, atonu e lilo ai outou i le aso o le toasa o Ieova.”
‘Sola’ ia Ieova
17. (a) O le ā e ao ona faia, ina ia maua ai le puipuiga a Ieova? (e) O le ā le mea sese na faia e tagata o le lalolagi i ona po o le Lolo?
17 Ua taʻua e le Faataoto 18:10: “O le suafa o Ieova, o le ʻolo malosi lea; e sola atu i ai lē amiotonu, ona sao ai lea o ia.” O e ‘sola’ ea ia Ieova? Manatua le mea na fetalai ai Iesu e faatatau i tagata i ona po o Noa. Sa latou “aai ma inu, ua latou fai avā foi ma faaavaga, ua oo lava i le aso na ulu atu ai Noa i le vaa, na le iloa foi e i latou [sa latou fia amanaia, N.W.] ina seia oo le lolo, ma aveesea i latou uma.” (Mataio 24:38, 39) O le mea na sese, ona sa matuā faatumuina o latou mafaufau i le tele o isi mea, ua latou, lē faalogo atu i le Atua a o ia fetalai e ala i lana auauna o Noa, o “lē talaʻi le amiotonu.” (2 Peteru 2:5) Talu ai ona sa latou leʻi faalogo, ma ina ua oo mai le lolo, na “aveesea i latou uma” i le faaumatiaga.
18. Ai se ā a lē faasaoina ai ē na faaumatia i le Lolo i le na ona faapea o i latou o tagata “lelei”?
18 O le toatele o i latou na feoti i le Lolo, sa mautinoa lava na latou manatu ia i latou o ni tagata “lelei,” sa leʻi aafia i faiga sauā na faatumuina ai le sosaiete o tagata i na aso. A e o le tau lava ina “lelei” sa leʻi faasaoina ai i latou. Ona o le leai o sa latou gaoioiga ua latou lotomalie ai i mea leaga ua faia i o latou aso. O le mea sili ona leaga, ona sa latou leʻi ‘sosola’ ia Ieova; latou te leʻi faalogo ina ua fetalai mai le auauna a le Atua. O lea la, latou te leʻi faia laasaga tonu mo le faasaoina. I le isi itu, o i latou na faalogo sa faasaoina.
19. O ā aogā ofoofogia ua maua nei e auauna a Ieova, ma ai se ā?
19 I aso nei, au fetalai atu e le Atua le filemu i ē faalogo ia te ia. Ma o le ā le iʻuga mo i latou? Ua taʻua i le Isaia 54:13: “E aʻoaʻoina lau fanau uma lava e Ieova; e tele foi le manuia [filemu] o lau fanau.” Ioe, “e faamanuia e Ieova lona nuu i le filemu.” (Salamo 29:11) O lea, i totonu o lenei lalolagi tumu i le sauā, ua i ai i totonu o Molimau a Ieova se filemu moni, e lē mafai ona lepetia. E i ai latou le alofa faaleuso i le lalolagi aoao, lea e lē mafai e taʻitaʻi o le lalolagi, ō latou malo, ma a latou lotu ona faia pe faataʻitaʻi i ai. Ai se ā ua le mafai ai? Auā foʻi latou te lē o matuā faalogo pe a fetalai le Atua. O lea, latou te lē o gaoioi foʻi la i mea o ia fetalai mai ai. Latou te matuā faauigaina upu i le Failauga 12:13: “Ia e mataʻu i le Atua, ma e anaana i ana poloaiga; auā o mea ia e tatau i tagata uma.”
20. O le ā e ao i tagata uma ona fai, ina ia sao atu ai i le lalolagi fou a le Atua?
20 O le mea lena e tatau i tagata uma—ioe, i latou uma o ē mananao ia ola i le lalolagi fou a le Atua—ona faia. E tatau ona latou ‘sosola’ ia Ieova, e aunoa ma se faatalatū. O le mea moni, e tatau ona taʻitaʻia i latou i le poto mai le Atua, e pei ona fai mai: “Faalogologo mai ia ia te au; amuia lava i latou o e tausi i oʻu ala. Ia outou faalogologo i mea e aʻoaʻo atu, ia outou popoto ai; aua foi le teena. Amuia le tagata ua faalogologo mai ia te au . . . auā o le ua maua aʻu, ua maua e ia le ola.”—Faataoto 8:32-35.
Faapefea Ona E Tali?
◻ Ai se ā o le a lē manuia ai lava taumafaiga a tagata e aumaia le filemu?
◻ Ai se ā ua i ai nei se manaoga sili ina ia faalogo atu ia Ieova?
◻ O le ā o le a uiga moni i ai le alaga o le a sau ua ‘Filemu ma le saogalemu’?
◻ O le ā e tatau ona tatou fai, pe afai tatou te mananao ia faasaoina atu i le faiga fou a le Atua?