Atiina aʻe le Naunau i le Malo Filemu o Le Atua
1 A o faagasolo le masina o Fepuari, o le a tatou faaalia le tusi E Mafai ona E Ola e Faavavau i Parataiso i Le Lalolagi. O lo tatou taulaiga e ao ona iai, o le fesoasoani lea i tagata loto faamaoni e atiina aʻe se talisapaia mo le Malo o le Atua, ma mea o le a ia faataulauina. O fesili faatupu manatu e mafai ona fesoasoani ia i tatou i lenei itu.
2 A maeʻa se faafeiloaiga faaleuo, atonu tatou te fai atu faapenei:
◼ “O loo tutupu suiga mataina i malo i le lalolagi aoao, ma o le sini o le filemu e masani ona taʻua. Pe e te lagona ea o le a ausia le filemu moni? [Faataga mo se tali.] E ui o loo vāai ma le faamoemoe le toatele i pule faaletagata e aumaia le filemu, mātau le folafolaga a le Atua i le aumaia o le filemu e pei ona taʻua i le Salamo 46:9. [Faitau.] O ā suiga i le lalolagi e te manatu o le a aumaia e gaoioiga a le Atua? [Faalogo i le tali mai a lē ona le fale, ona faaali lea o le sāvali Olaga i se Lalolagi Fou Filemu.] E mafai ona e tagai faalemafaufau i le mea o faaataina mai i inei?” Iloilo le faamatalaga i lalo o le tamai ulutala “Olaga i le Lalolagi Fou a le Atua.” A faataga e le tulaga, e mafai ona iloilo faamatalaga faaopoopo mai le tusi Reasoning, itulau e 227-232, i lalo o le fesili “O le ā o le a faataulauina e le Malo a le Atua?” Atonu tatou te faaiua le talanoaga i le siligiaina: “E te manatu o le a aumaia e se pulega a le Atua nei suiga?” Afai e faaalia e lē ona le fale le naunau, e tatau ona faia ni fuafuaga mo se toe asiga.
3 Pe atonu tatou te faapea atu:
◼ “Ua faaleoina mai se popolega tele e faatatau i faafitauli e atuatuvale ai lea e ao ia i tatou uma ona faafesagai i tulaga o aso taitasi. Pe e te lagona faamata e iai se faamoemoe mo se mapusaga mai nei faafitauli? [Faataga mo se tali.] Atonu e lagona isi faapea e lē amanaia e le Atua lo tatou tulaga lē manuia. Ae, mātau le mea o loo ia folafola mai i le Faaaliga 21:3, 4.” Faitau fuaiupu. I le tulaga lea, o le tusi Ola e Faavavau, se mekasini fou, po o le sāvali Po o le a Faasaoina ea Lenei Lalolagi? e mafai ona faaalia. Afai e ofo le sāvali, e mafai ona iloiloina faamatalaga i itulau e 2 ma le 3 i lalo o le ulutala “Le Lumanai o Lenei Lalolagi.” Afai e faaalia le naunau, e mafai ona e filifili po o le ā se isi ituaiga o lomiga e ofo. Afai e te ofoina le polosiua Po o Silasila Alofa mai ea le Atua ia i Tatou?, atonu e faatū le fesili: “Aisea ua faataga ai e le Atua puapuaga?” Faasino i ai le vaega e 6 i le polosiua, ma fuafua e talanoa lenei i le isi asiga.
4 Atonu e te filifili e faaalia se mataupu mai se tasi o mekasini fou i le faia o se faaopoopoga i se manatu patino i se mataupu ua filifilia.
Afai e faaalia e lē ona le fale le naunau, faatomua le mekasini, atonu i le faapea atu:
◼ “Ua auiliili ona faamatala atili e lenei lomiga le mataupu. [Faitau se fuaiupu se tasi pe lua na muai filifilia.] Ua saunia e le mataupu manatu faaopoopo o le a faamaonia lona faalaeiauina ia te oe ma lou aiga. Talu ai e foliga mai e te naunau i lenei mataupu, matou te fiafia e tuu lenei lomiga ma lona soa o le mekasini mo oe.” Afai e talia e lē ona le fale mekasini, atonu e talafeagai le taʻua o le fuafuaga tau i meaalofa.
5 E masani i aso nei ona fenuminumiai tagata i le iloa po o fea e liliu i ai mo tali i faafitauli o loo fesagai ma tagata. O loo ia i tatou le faaeaga o le fetufaai ma i latou i se faamoemoe manino mo le lumanai. (Galu. 17:27) O lea, seʻi tatou faasino ma le filigā le uai o tagata i le Malo o le Atua, o le puna moni o le filemu.