Olioli i Faatelega ua Aumaia e le Atua
1 O Kerisiano o le uluai senituri o ni tagata talaʻi maelega o le Malo. Na latou olioli ina ua ‘faatoateleina faapotopotoga i lea aso ma lea aso.’ (Galu. 16:5) O la latou talaʻiga lototele na oo atu i Asia, i Europa, ma Aferika, lea na iu ai i se seleselega maoaʻe o tagata talitonu.
2 Na valoia e Iesu e faapea i aso mulimuli, o le a oo ai le galuega talaʻi ‘i le atu laulau uma’! (Mata. 24:14) A o faagasolo le tausaga faaleauaunaga o le 1996, ua faaauau pea ona tatou maua lipoti o faatelega matagofie ma tumutumuga fou o le autalaʻi mai atunuu i le lalolagi aoao. E tele faapotopotoga fou ua amataina. O lenei faatelega vave ua manaomia ai ona fausia le faitau selau o Maota fou o Malo ma Maota Fono e faapea foi ma faaopoopoga o nisi o lālā.
3 Ua lipotia mai i La Tatou Faiva o le Malo o Aokuso i le 1996 se faaopoopoga tele o galuega o faugafale o loo faagaoioia nei i Aferika. O loo faagasolo foi galuega faapena i Amerika Latina. Mo le tausaga faaleauaunaga o le 1996, na lipotia mai ai i Mekisikō se tumutumuga mataʻina o tagata talaʻi e 470,098 ma se fuafaatatau o suesuega faale-Tusi Paia e 600,751, ua manaomia ai ni fuafuaga mo faapotopotoga fou e 466! O le faaopoopoga o la latou lālā ua fuafua e maeʻa a o taufaaiuiu le 1999. O faatelega faapena i le tele o nisi o atunuu ua lē faavaivaia ai i le faia o galuega eseese o faugafale faatiokarate.
4 O tupe faaalu mo faugafale ua taugata i so o se mea, ma ua utiuti mea faitino ua tauofo atu e o tatou uso i le tele o atunuu. Ae peitai, o lo latou maelega sili mo le auaunaga a Ieova, ua mautinoa ai lo latou tuputupu aʻe faaleagaga ma le faatupulaia i se aofaiga tele. Ua faamautinoa mai ia i tatou e le Faataoto 28:27 e faapea “o le ua foai atu i le tagata mativa, e le mativa o ia.” O lo tatou lotomalie e fesoasoani ua ausia ai manaoga mo le faatupeina o nei galuega faufale ma ua iu ai i ‘foai faatatau’ o mea faitino, ina ia mafai ai ona tofo tagata uma i le fiafiaga e maua mai le foai atu ma le olioli, e maua mai le vaai atu i le faatelega ua aumaia e Ieova!—2 Kori. 8:14, 15; Galu. 20:35.
[Ata i le itulau 4, 5]
Lālā i Paraguay
[Ata i le itulau 4]
Lālā i Ecuador
[Ata i le itulau 4, 5]
Sosooga o Loo Fausiaina i Mekisikō
[Ata i le itulau 4, 5]
Lālā i Dominican Republic
[Ata i le itulau 4]
Lālā i Pasili ma le Sosooga
[Ata i le itulau 4, 5]
Le Lālā i Uruguay o Loo Fausiaina
[Ata i le itulau 5]
Maota o le Malo e masani ai na faatupeina i se tau taugofie i Amerika Latina
1. Pasili
2. Nicaragua
3. Sili
4. Kolomepia
5. Mekisikō
6. Pasili
7. Peru
8. Venezuela
9. Mekisikō