Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • km 7/04 itu. 6
  • Ia Onomea ma Ta‘uleleia Ou Foliga Vaaia

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Ia Onomea ma Ta‘uleleia Ou Foliga Vaaia
  • La Tatou Faiva o le Malo—2004
  • Mataupu e Taitutusa
  • Māfuaaga e Tāua ai o Tatou Laʻei ma Foliga Vaaia
    Se Olaga Fiafia e Faavavau!—Talanoaga Faale-Tusi Paia
  • E Faaalia le Ava i le Atua i La‘ei e Onomea
    La Tatou Faiva o le Malo—2003
  • Vivii iā Ieova i le Faapotopotoga Tele
    La Tatou Faiva o le Malo—2005
  • Po o Faamamaluina le Atua i Ou Laʻei?
    Le Olomatamata Faasilasilaina le Malo o Ieova (Su‘esu‘ega)—2016
Faitau Atili
La Tatou Faiva o le Malo—2004
km 7/04 itu. 6

Ia Onomea ma Taʻuleleia Ou Foliga Vaaia

1. A o sauniuni atu mo le tauaofiaga itumalo, aiseā e tatau ai ona mafaufauina o tatou foliga vaaia?

1 Na faia se faamatalaga a se tagata e faigaluega i se faletalimālō, e faatatau i uso ma tuafāfine i se tasi o tauaofiaga itumalo sa faia i le tausaga ua mavae. Na ia faapea mai: “O Molimau a Ieova o ni tagata e sili ona lelei! E ese le agalelei ma e lelei ona fai o latou lāʻei, ma e ese lo latou faaaloalo.” I se isi tauaofiaga, na faapea se faamatalaga a se tasi o tagata faigaluega i se faletalimālō: “E manino mai e lāʻei o outou tagata ina ia faafiafiaina le Atua.” Ioe, o sui usufono i tauaofiaga e mātauina e isi. O lea la, e tatou te mananaʻo e faia o tatou lāʻei e “tusa . . . ma le tala lelei,” ma e masani lava ona uunaʻia ai tagata e lē o ni Molimau a Ieova e faamālō mai iā i tatou ma manino ai o i tatou o faifeʻau a le Atua. (Fili. 1:27) A o tatou sauniuni atu mo le tauaofiaga itumalo, e talafeagai ona muaʻi mafaufauina o tatou foliga vaaia.

2. Aiseā o se luʻi ai le lāʻei ma teu o se tasi i se auala onomea?

2 Na tusi le soo o Iakopo e faapea: “O le poto mai lugā e muamua ona mamā.” (Iako. 3:17) O le onomea atu o o tatou foliga vaaia e mafai ona avea o se luʻi. Ua taaʻina e le lalolagi amioleaga a Satani tagata ina ia oofu i sikaili lē onomea, e faamalie ai faalogona o le tino ma e matuā ese lava, lea e lē talafeagai. (1 Ioa. 2:15-17) O lea la, pe a faia ni filifiliga e tusa ai ma lāʻei ma teuga, e manaʻomia ona tatou utagia le timaʻiga a le Tusi Paia ina ia “teteʻa ese ma le faalēmataʻu atoa ma tuʻinanau faalelalolagi, a ia tatou nonofo ma le faautauta . . . i lenei olaga.” (Tito 2:12) Ia aua lava neʻi tatou faia se mea e lē fiafia ai isi e ala i o tatou lāʻei, po o tatou uso, tagata o faletalimālō po o faleʻaiga, faapea ma isi o loo vaavaai mai.—1 Kori. 10:32, 33.

3. O ā fesili o le a fesoasoani iā i tatou e iloiloina ai o tatou foliga vaaia?

3 Ia Onomea, ma Lelei Ona Fai Lāʻei: Pe a sauniuni atu mo le tauaofiaga, ia fesili ifo iā te oe lava: ‘⁠Po o onomea oʻu lavalava, pe ua taaʻina mai ai le vaai a tagata iā te aʻu? Pe o faaalia ai loʻu amanaʻia o faalogona o isi? Po o oʻu ofutino po o ofu i luga (blouse) ua maulalo tele le ua, pe ua puupuu tele ua toetoe lava a lē oo le umi i le laulavalava? Po o fufusi oʻu ofu pe e tele ina aliali mai ai vaega o loʻu tino? Po o mamā ma e lē o manogi leaga? Pe a fai laʻu mālū taeao i le faletalimālō po o le mālōlō mai foʻi ina ua uma le polokalame o le tauaofiaga, faamata o le a tumau pea ona onomea oʻu foliga vaaia o se faifeʻau, po o le a lē onomea aʻu teuga, po o le faia o ituaiga o ofu o loo fiafia i ai le toʻatele, lē faia lelei lavalava, lea ua lē talafeagai ai mo se sui usufono ona faia lana pine fatafata o le tauaofiaga? Pe o ofu o loo oʻu faia i taimi e mālōlō ai, e fai ai si oʻu matamuli e avatu se molimau lē fuafuaina?’—Roma 15:2, 3; 1 Timo. 2:9.

4. E faapefea ona fesoasoani isi iā i tatou ina ia onomea o tatou foliga vaaia?

4 E tatou te maua aogā mai fautuaga a Kerisiano taʻumatuaina. E tatau ona fesili atu avā i a latou tane i le auala e ono vaai ai isi i o latou lāʻei. E tatau ona fesoasoani atu mātua Kerisiano i a latou fanau talavou e tusa ai o latou lāʻei. E lē gata i lea, o tuafāfine matutua e amio faaaloalo e mafai ona “aʻoaʻo atu i fafine muli . . . ia faautauta i latou, ia amio mamā” i o latou foliga vaaia “ina neʻi upuleagaina le afioga a le Atua.” (Tito 2:3-5) Ua aumaia i a tatou lomiga ni ata lelei o lāʻei e onomea.

5. E faapefea iā i tatou uma ona avatu le viiga iā Ieova i le taimi o tauaofiaga?

5 Avatu le Viiga iā Ieova: Ua aumaia e tauaofiaga itumalo se avanoa lelei tele mo i tatou uma e vivii ai iā Ieova, ae lē na o i latou o loo faia vaega i le polokalame. O le mea moni, e avatu e a tatou upu ma amio faa-Kerisiano le viiga iā te ia. Peitaʻi o le mea muamua lava e mātauina e le toʻatele o tagata e faatatau iā i tatou, o tatou lāʻei ma teuga. Seʻi tau ia iā i tatou uma, ona avatu iā Ieova le viiga, e ala i o tatou foliga vaaia e onomea ma taʻuleleia.—Sala. 148:12, 13.

[Pusa i le itulau 6]

Fesoasoani mo Foliga Vaaia e Taʻuleleia

◼ Afioga a le Atua

◼ Iloiloina o oe lava

◼ Manatu o isi

◼ Lomiga faa-Kerisiano

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga