Faamata e Maua Sau Suʻesuʻega iā Oketopa?

1. O le ā le ofo o Oketopa?

¹ Ofo le Olomatamata ma le Ala Mai! iā Oketopa. Ua faalaeiauina i tatou e faaaogā le sāvali, Pe E te Fia Iloa le Upu Moni? pe a ō e toe asi tagata fiafia ma taumafai e amata se suʻesuʻega. E faapefea ona faia lenā mea?

2. E faapefea ona faaaogā le sāvali Iloa le Upu Moni e amata ai se suʻesuʻega pe a toe asia se tagata na talia mekasini?

² Le Auala e Faaaogā ai le Sāvali: Atonu e te faapea atu: “O mekasini ia na ou tuu iā te oe, ua faalaeiauina ai tagata o talaaga uma ma lotu eseese e suʻesuʻe le Tusi Paia. [Avatu le sāvali i lē e ona le fale ma faasino i ai fesili i le pito i luma.] O nisi nei o fesili faatupu manatu ua maua i le Tusi Paia tali e faamalieina ai. E iai se fesili o fesili nei o e fia malamalama i ai?” Pe a uma ona tali mai lē e ona le fale, ona talanoa lea i tali i le sāvali, ma faitau se mau ua sii mai ai. Faamatala i ai, ua na o se faataʻitaʻiga lea o mea o loo aʻoaʻo i le Tusi Paia, ma tuu i ai le tusi Aʻoaʻoga Moni. Ona talanoa lea i uluaʻi palakalafa o se mataupu e na te filifilia. Pe suʻe foʻi i le mea o maua ai nisi faamatalaga o le mataupu na talanoaina i le sāvali. O faamatalaga nei e mafai ona faaaogā:

● Pe e alofa moni le Atua iā i tatou? (itu. 9-11, pala. 6-10)

● Po o le a faaiʻuina taua ma mafatiaga? (itu. 12, pala. 12-13)

● O le ā e tupu pe a tatou feoti? (itu. 59-60, pala. 7-8)

● O le ā le faamoemoe mo ē ua maliliu? (itu. 71, pala. 13-15)

● O le ā le auala ou te tatalo ai ina ia faafofogaina e le Atua? (itu. 166-167, pala. 5-8)

● E faapefea ona ou maua le fiafia i le olaga? (itu. 9, pala. 4-5)

3. E faapefea ona fetuunaʻi a tatou taulimaga e fua i tulaga o tagata?

³ O le mea moni, afai e lē mafai ona faataʻitaʻi ma amata se suʻesuʻega i le tusi Aʻoaʻoga Moni i le uluaʻi toe asiga, ia faia se fuafuaga e toe foʻi e faaauau le talanoaga. E mafai ona talanoa atili i isi fesili o le sāvali pe a toe asia le tagata a o leʻi tuuina i ai le tusi, e fua i lona fiafia. Ia tatou faaaogā lelei lenei sāvali iā Oketopa e amata ai suʻesuʻega ma fesoasoani i ē fiafia moni ia ‘⁠iloa ai le upu moni.’—Ioa. 8:31, 32.