Pe Mafai Ona E Faataʻitaʻia mo se Tausaga?

Faataʻitaʻia le ā? Paeonia Sauatoa! Maʻeu le tele o faamanuiaga o le a e olioli ai!—Fat 10:22.

O LE PAEONIA, E MAFAI AI ONA . . .

• e maua tomai i le avea ai ma faievagelia ma atili ai ona fiafia i le faiva

• faamalosia lau faiā ma Ieova. O le tele e te talanoa ai i isi e uiga iā te ia, o le tele foʻi lenā o lou manatuaina o ona uiga malualii

• e tofo i le faamalieina ona o le faamuamua o manaʻoga o le Malo nai lo o ou manaʻoga, faapea le fiafia e maua mai i le ofo atu o oe lava mo isi. —Mat 6:33; Ga 20:35

• e auai i le fono a paeonia e faia i le taimi o le asiasiga a le ovasia matagaluega, le fono faapitoa e fai faatasi ma le fonotaga matagaluega, faapea le Aʻoga mo le Auaunaga Paeonia

• e maua le tele o avanoa e amata ma faia ai ni suʻesuʻega faale-Tusi Paia

• e faaalu faatasi le tele o le taimi ma isi sui talaʻi, ma olioli i fetufaaʻiga o faalaeiauga.—Ro 1:11, 12