SUʻESUʻEGA 5

Saʻo Lelei le Faitau

1 Timoteo 4:13

AOTELEGA: Faitau leotele mea tonu lava o loo i le tusi o le a e faitauina.

Sauniuni lelei. Ia mafaufau pe aiseā na tusia ai faamatalaga o le a e faitauina. Ia faataʻitaʻi le faitauina o tuufaatasiga o upu nai lo o upu taʻitasi. Ia faamautinoa e te lē o faaopoopo, suia, pe misi foʻi se upu. Ia vaai lelei faailoga o le kalama.

Ia fai atu i sau uō e faalogo mai a o e faitau, ma faailoa mai upu e lē o saʻo ona faitauina.
Saʻo le faaleoga o upu taʻitasi. Afai e te lē iloa le auala e faaleo ai se upu, ia faalogologo i se faitauga o se lomiga ua uma ona puʻeina, pe talosaga atu foʻi i se tasi e lelei le faitau mo se fesoasoani.
Manino le tautala. Ia faaeteete i le faaleoga o upu, faasaʻo i luga lou ulu ma ia faamatala tele lou fofoga. Ia taumafai e faaleo silapela taʻitasi.

O le soona faamamafa naʻuā o le faaleoga o upu, o le a lē pei ai lau faitau o le mea e masani ai.