SUʻESUʻEGA 2

Uiga Faatalanoa

2 Korinito 2:17

AOTELEGA: Ia tautala i se auala e masani ai ma ia atagia atu ai ou faalogona moni e faatatau i le mataupu faapea lau aofia.

Tatalo a o sauniuni ma ia sauniuni lelei. Ia tatalo mo le fesoasoani e taulaʻi atu ai i lau mataupu nai lo o oe lava. Ia mautinoa i manatu autū o loo e manaʻo e faamatilatila. Ia faamatala manatu i au lava upu, ae aua le faamatalaina i le auala o loo tusia ai.

Pe afai o loo e fuafua e faitau mai i le Tusi Paia po o se isi lomiga, ia iloa lelei lau mataupu ina ia fesoasoani i le sologa lelei o lau faitau. Pe a taʻua ni faamatalaga a ni tagata, ia faitau ma faalogona, ae aua le soona faamamafa naʻuā na faamatalaga.
Tautala mai i le loto. Ia mafaufau i le māfuaaga e manaʻomia ai ona faalogo lau aofia i lau mataupu, ma uaʻi atu iā i latou. O le faia faapea o le a mafai ona faailoa atu i le auala e te tū ai, o au tāga, ma ou foliga vaaia ou faalogona māfana ma faaleuō.

Aua neʻi avea le auala masani e talanoa ai ma faamolemolega o le faia o ni faamatalaga lē faaaloalo. Ia faatumauina le tāua o lau mataupu, e ala i le manino o le auala e tautala ai ma ia lelei le kalama.
Taulaʻi atu i lau aofia. Ia fesootaʻi e ala i le vaai e aunoa ma le faatigā i lau aofia. Pe a faia se lauga, ia vaavaai atu i tagata taʻitoʻatasi nai lo o se vaega atoa.