SUʻESUʻEGA 11

Aasa

Roma 12:11

AOTELEGA: Ia faaosofia ma uunaʻia lau aofia e ala i le tautala atu ma le aasa.

Pāʻia lou loto. A o e sauniuni e faia se lauga, ia manatunatu loloto i le tāua o lau mataupu. Ia faamasani lelei i ai ina ia mafai ona e talanoa mai i le loto.
Manatunatu i lau aofia. Ia mafaufau loloto pe faapefea i faamatalaga o le a e faitau pe aʻoaʻo atu, ona aogā i isi. Ia mātau ni itu e mafai ai ona avatu lau mataupu i se auala e faaloloto ai le talisapaia o lau aofia, i mea o loo e fai atu ai.
Ola le taulimaga. Ia tautala atu ma le aasa. Faaaogā tāga e masani ai ma ou foliga vaaia e faaalia ai ou faalogona.

Ia ʻalofia le faia o ni tāga ua masani ai e ono faalavelave ai i lau aofia. Ia iai ni aogā o au tāga. Ia faaalia le aasa aemaise lava pe a aʻoaʻo atu manatu autū ma uunaʻia i latou e gaoioi. Ia ʻalofia le faaalia o le aasa mai lava i le amataga o lau mataupu seʻia oo i le faaʻiuga, lea e ono fiu ai lau aofia e faalogologo.