11 O Iesu, o Sē e Pei o se Atua

Ua faaaogāina i le gagana Peretania, Falani ma Siamani le faaupuga, o “se atua” pe “e pei o se atua,” auā e lē o iai le upu ho (le) e muamua i le upu Eleni θεός (the·osʹ). Peitaʻi o le faaupuga “sa faatasi le Upu ma le Atua,” o le “Atua” lea na iai faatasi ma le Upu po o le Lokou, o loo ave i ai le faaupuga Eleni θεός, o lona uiga o le the·osʹ ma o loo muamua ai le upu ho. I le gagana Eleni lea na uluaʻi tusia ai le Tusi Paia, o loo faasino atu nei upu i se tasi, o sē o loo soifua, ae o le faaaogāina o lea upu e aunoa ma le ho e faasino atu i uiga po o se mea e faatatau i se tasi. O lea la, o le faamatalaga a Ioane e faapea o le Upu po o le Lokou o “se atua” pe “e pei o se atua,” e lē faapea o ia lenā o le Atua, lea na la faatasi. Peitaʻi, o loo faaalia ai se mea e faatatau i le Upu po o le Lokou, ae e lē faaalia ai o ia o le Atua. O le māfuaaga lenā, i le Faaliliuga a le Lalolagi Fou, ua matou faaaogāina ai le “a” laʻitiiti i le Ioane 1:1, i le faaupuga “ma o se atua foʻi le Upu.”