Se Faatomuaga o le Afioga a le Atua

O loo iai i le Tusi Paia le feʻau a le Atua po o ana afioga mo i tatou i aso nei. Ua faailoa mai ai le auala e tatou te maua ai ni olaga taulau manuia, faapea le auala e maua ai le finagalo malie o le Atua. E taliina ai foʻi fesili nei:

1 O ai le Atua?
2 E faapefea ona e aʻoaʻoina mea e faatatau i le Atua?
3 O ai na tusia le Tusi Paia?
4 Pe e saʻo faamatalaga faasaienisi o loo i le Tusi Paia?
5 O le ā le feʻau autū o le Tusi Paia?
6 O le ā na valoia mai i le Tusi Paia e faatatau i le Mesia?
7 O le ā ua valoia mai i le Tusi Paia e faatatau i o tatou aso?
8 Pe e tuuaʻia le Atua ona o mafatiaga o tagata?
9 Aiseā ua mafatia ai tagata?
10 O le ā ua folafola mai i le Tusi Paia e faatatau i le lumanaʻi?
11 O le ā e tupu pe a maliu se tasi?
12 O le ā le faamoemoe mo ē ua maliliu?
13 O le ā le faamatalaga a le Tusi Paia e faatatau i galuega?
14 E faapefea ona e ʻalofia faafitauli tautupe?
15 E faapefea ona e maua le fiafia?
16 E faapefea ona e fesagaʻia popolega?
17 E faapefea ona fesoasoani le Tusi Paia i lou aiga?
18 E faapefea ona e mafuta vavalalata atu i le Atua?
19 O ā faamatalaga o loo iai i tusi o le Tusi Paia?
20 E faapefea ona e maua le tele o manatu aogā mai i lau faitauga Tusi Paia?

LE AUALA E SUʻE AI MAU O LE TUSI PAIA

E 66 tusi o le Tusi Paia, ma ua vaevaeina i ni vaega se lua. O Tusitusiga Paia Eperu ma le faa-Arama (“Feagaiga Tuai”) ma Tusitusiga Paia Eleni (“Feagaiga Fou”). Ua vaevaeina tusi taʻitasi o le Tusi Paia i mataupu ma fuaiupu. Pe afai o loo sii atu ni mau, o le numera e sosoo ma le igoa o le tusi, o le mataupu lenā o le tusi, ae o le numera e mulimuli mai ai, e faailoa mai ai le fuaiupu. O se faataʻitaʻiga, o le Kenese 1:1, o lona uiga o le tusi o Kenese, mataupu 1, fuaiupu 1.