ʻO le a Ou Nofo i le Lotolotoi o Tagata’—Toe Faafoʻisia le Tapuaʻiga Mamā iā Ieova

TAULAʻIGA O LE VAEGA: Vala o le faaaliga o le malumalu ma mea e tatou te aʻoaʻoina mai ai e faatatau i le tapuaʻiga mamā

Na faaali atu e Ieova i le perofeta o Esekielu ma le aposetolo o Ioane ni faaaliga e tele mea e talitutusa ai. E tatou te aʻoaʻoina ni lesona tāua mai i vala eseese o na faaaliga, lea e fesoasoani e tatou te tapuaʻi ai ma le faamaoni iā Ieova, ma faaata i o tatou mafaufau le ola ai i le Parataiso i le pulega o le Malo o le Atua.