Po ua Ou Sauni?
Po ua Ou Sauni e Talaʻi Faatasi ma le Faapotopotoga?
Atonu ua e sauni e avea o se tagata talaʻi e leʻi papatiso pe afai ua e . . .
Suʻesuʻe e lē aunoa le Tusi Paia, tatalo, ma auai i sauniga.
Talisapaia ma talitonu i mea ua e aʻoaʻoina, ma e te naunau e faailoa atu i isi.
Alofa iā Ieova ma vavalalata atu i ē e alolofa iā te ia.
Vavaeese mai i faiga faapolotiki po o lotu sesē na e iai muamua.
Ola e ōgatusa ma tapulaa a Ieova, ma ua e manaʻo e avea oe ma Molimau a Ieova.
Pe a e manatu ua e sauni e talaʻi faatasi ma le faapotopotoga, e mafai ona faatulaga e lou faiaʻoga o le Tusi Paia se talanoaga ma le ʻau toeaina, ina ia iloilo ai po ua e agavaa.
Po ua Ou Sauni e Papatiso?
Atonu ua e sauni e papatiso pe afai . . .
Ua avea oe ma tagata talaʻi e leʻi papatiso.
Ua faia e lē aunoa sou sao i le galuega talaʻi.
Ua e lagolagoina ma mulimuli i le taʻitaʻiga a “le pologa faamaoni ma le faautauta.”—Mataio 24:45-47.
Ua uma ona e faia se tuuina atu iā Ieova e ala i le tatalo, ma ua e manaʻo e auauna iā te ia e faavavau.
Pe a e manatu ua e sauni e papatiso, e mafai ona faatulaga e lou faiaʻoga o le Tusi Paia se talanoaga ma le ʻau toeaina, ina ia iloilo ai po ua e agavaa.