Faaleleia o o Tatou Tomai i le Faiva—Saunia o Upu Tomua

Māfuaaga e Tāua Ai: Pe afai e lē faaoso naunau au upu tomua, o le a iʻu ina taofi mai e le tagata o le fale le talanoaga a o e leʻi avatu se molimau. O lea, o le toʻatele o le ʻautalaʻi e manatu i upu tomua o le vaega sili lea ona tāua o le latou taulimaga. E ui o loo iai taulimaga faataʻitaʻi i La Tatou Faiva o le Malo, ma le tamaʻi tusi Auala e Amata ma Faaauau Talanoaga, peitaʻi e lē o aumaia ai i na taulimaga faataʻitaʻi se faatomuaga atoa e ao ona fai atu. O lea, e mafai lava ona fetuutuunaʻi a tatou upu tomua. E tusa foʻi po o loo aumaia ai se taulimaga atoa e fai atu, ae e ono filifili foʻi le tagata talaʻi e sui lenā taulimaga, pe e saunia e ia lava ni ana upu tomua. O lea, o le a sili atu aogā e maua pe afai e saunia lelei a tatou upu tomua, nai lo o le fai atu o so o se faamatalaga e tau ai o tatou mafaufau, pe a feiloaʻi ma le tagata e ana le fale.—Faata. 15:28.