A Tatou Meafaigaluega mo le Aʻoaʻo Atu
1. Ua faapefea ona faatusaina tagata talaʻi Kerisiano i tufuga?
1 E eseese meafaigaluega e faaaogā e se tufuga. O nisi meafaigaluega e iai lava galuega patino e faaaogā ai, ae o meafaigaluega autū e faaaogā i taimi uma. O tufuga tomai e latou te tuu nei meafaigaluega autū i taimi uma i a latou pusa o meafaigaluega, ma e latou te iloa lelei le auala e faaaogā ai. Ua faalaeiau i le Tusi Paia Kerisiano ia tomai i le faiva ma ia avea “o se tagata faigaluega e leai se mea e mā ai.” (2 Timo. 2:15) O le ā la tatou meafaigaluega e sili ona tāua e faaaogā ina ia ʻfai ai tagata ma soo’? O le Afioga a le Atua. (Mata. 28:19, 20) O lea, e tatau ona tatou taumafai e “taulimaina ma le saʻo le upu moni.” Peitaʻi, e iai isi a tatou meafaigaluega e faaaogā i taimi uma mo le aʻoaʻo atu, e tatau i Kerisiano uma ona tomai i le faaaogāina e aʻoaʻo atu ai i isi le upu moni.—Faata. 22:29.
2. O ā a tatou meafaigaluega autū mo le aʻoaʻo atu?
2 A Tatou Meafaigaluega Autū: O ā isi meafaigaluega e tatau ona tatou faaaogāina e ese mai i le Tusi Paia? O le meafaigaluega autū e tatou te aʻoaʻo atu ai upu moni o le Tusi Paia, o le tusi O ā Aʻoaʻoga Moni a le Tusi Paia? Pe a māeʻa ona suʻesuʻe ma se tagata i lenei tusi, e tatou te faaaogā le tusi ʻIa Faatumau iā te Outou i le Alofa o le Atua,’ e aʻoaʻo ai o ia ina ia faatatau mataupu silisili o le Tusi Paia i aso uma o le olaga. O lea, e tatau ona tatou faamasani e faaaogā nei tusi e lua. E iai foʻi polosiua e tatau ona faaaofia i a tatou meafaigaluega mo le aʻoaʻo atu. O se tasi o meafaigaluega autū mo le amataina o suʻesuʻega faale-Tusi Paia, o le polosiua Tala Lelei Mai i le Atua! Pe afai e iai i la tatou oganuu ni tagata e lē lelei le faitau, po o ē e tautatala i se gagana e lē o tele ni a tatou lomiga o iai, e mafai ona tatou faaaogā polosiua Ia Faalogo i le Atua po o le E te Ola e Faavavau pe a E Faalogo i le Atua. O la tatou meafaigaluega autū e tataʻi ai tagata aʻoga i le faalapotopotoga, o le polosiua O Ai o Loo Faia le Finagalo o Ieova i Aso Nei? O isi meafaigaluega e tatau foʻi ona faamasani e faaaogā, o vitiō ia e fesoasoani i le faia o tagata ma soo, e pei o le Aiseā e Suʻesuʻe ai le Tusi Paia? ma O ā Mea o Loo Faia i se Maota mo Sauniga?
3. O le ā o le a fesoasoani mai mataupu o La Tatou Faiva o le Malo i le lumanaʻi ina ia fai?
3 O le a fesoasoani mai mataupu o La Tatou Faiva o le Malo i le lumanaʻi, ina ia tatou tomai ai i le faaaogāina o le tele o a tatou meafaigaluega autū mo le aʻoaʻo atu. A o tatou taumafai e faaaogā ma le tomai nei meafaigaluega, o le a tatou utagia ai le fautuaga faagaeeina o loo i le 1 Timoteo 4:16: “Ia uaʻi totoʻa iā te oe lava ma lau aʻoaʻo atu. Ia e tumau ai i nei mea, auā o le faia faapea e faaolaina ai oe lava atoa ma i latou o faalogo iā te oe.”