Aogā o le Tusiaina o Ata

I le pei o le toʻatele o i tatou, atonu e lē faigofie ona e manatuaina mea na e aʻoaʻoina mai i au saʻiliʻiliga. Peitaʻi, e vave ona tatou manatua talafaatusa a Iesu. Aiseā? Auā e mafai ona faaata na talafaatusa i lou mafaufau ma fesoasoani iā te oe e manatua. I se tulaga talitutusa, e tele mea e mafai ona e manatua mai i au saʻiliʻiliga, pe afai e faaata i lou mafaufau. E faapefea ona e faia lenā mea? E ala i le tusi o ata o mea o loo e aʻoaʻoina.

E masani ona faigofie ona manatuaina e nisi ni mea fou na latou aʻoaʻoina, e ala i le tusia o ata o na mea. O le tusia o ata e fesoasoani iā i latou e malamalama lelei ai i ni faaupuga, faapea ma ni manatu autū na latou aʻoaʻoina. O na ata e lē tau tulia ia lelei le tusiaina, ae ua na o ni ata faigofie e vave ona maua ai le manatu. Ua iloa mai i suʻesuʻega, e sili ona aogā lenei auala i tagata matutua ina ia manatua ai mea.

Pe a toe faia ni au saʻiliʻiliga, atonu e aogā lou tusiaina o ni nai ata o mea o loo e aʻoaʻoina. Atonu o le a faateʻia oe i le tele o mea o le a e manatuaina!