Faatupulaʻia Faafitauli o le Mafaufau o Talavou—O le ā le Manatu o le Tusi Paia?

I le Aso Gafua, Fepuari 13 2023, na tuuina mai ai e le Centers for Disease Control and Prevention (CDC) i le Iunaite Setete, se lipoti e faatatau i faafitauli o le mafaufau o loo aafia ai talavou e i le vā o le 13 i le 19 tausaga i le Iunaite Setete. Na taʻua ai e silia ma le 40 pasene o tamaiti o loo i aʻoga maualuluga, e lagona le faanoanoa ma le leai o se faamoemoe mo se taimi umi.

Na faapea mai Dr. Kathleen Ethier, o le faatonu o se tasi o vaega o le CDC e taʻua o le Division of Adolescent and School Health (DASH): “E ui na matou mātauina le faateteleina o faafitauli o le mafaufau o talavou i le sefulu tausaga talu ai, ae ua sili atu ona faatupulaʻia i le taimi lenei faafitauli o le mafaufau ma manatu e fia pule i le ola, ua aafia ai teine talavou.”

Ua taʻua i le lipoti:

• E silia i le 1 mai i le 10 teine talavou (14 pasene) ua faamalosia e fai feusuaʻiga ae e leʻi mananaʻo ai. Na taʻua e Dr. Ethier: “O se tulaga e matuā faapopoleina ai. I se fua faatatau, e mai le 10 o teine talavou, o le toʻatasi o i latou pe sili atu foʻi ua aafia i faiga aiga faamalosi.”

• E toetoe lava 1 mai i le 3 teine talavou (30 pasene) ua mafaufau e pule i le ola.

• E toetoe lava 3 mai i le 5 teine talavou (57 pasene) e lagona le faanoanoa ma le leai o se faamoemoe mo se taimi umi.

O nei lipoti e matuā lagona ai le mafatia. O taimi o le talavou o se taimi e tatau ona fiafia ma olioli ai. O le ā e fesoasoani i talavou ina ia taulima ai popolega o loo latou fesagaʻia i le taimi lenei? O le ā le manatu o le Tusi Paia?

Ua aumaia i le Tusi Paia le fesoasoani mo talavou

O loo faamatala manino e le Tusi Paia taimi o loo tatou ola ai, o “aso e sili ona faigatā.” (2 Timoteo 3:1-5) Peitaʻi, o loo iai i le Tusi Paia fautuaga aogā ua fesoasoani i le faitau miliona o talavou i le lalolagi aoao, e taulau manuia ai e ui i luʻi o loo latou fesagaʻia. Ia iloilo mataupu faale-Tusi Paia nei.

• What if I Don’t Want to Live Anymore?

• Ua Ou Fia Oti—Pe e Mafai Ona Fesoasoani Mai le Tusi Paia pe a Ou Mafaufau e Pule i le Ola?

• O le ā ea le Aogā e Ola Ai?

• E Faapefea Ona Ou Fesagaʻia le Lotomafatia?

• E Faapefea Ona Ou Teena Vaaiga Sesē?

• E Faapefea Ona Ou Feagai ma Popolega?

• How Can I Control My Emotions?

• Suia le Faanoanoa i le Fiafia (vitiō o ata tusi)

• E Faapefea pe a Fai Mai e se Tasi iā te Aʻu ni Gaoioiga Fia Malosi?

• O le ā Ou te Faia pe a Tuu e Nisi Ata ma Faamatalaga i le Initaneti e Faaleaga ai Aʻu?

• Tetee Atu i Ē Fia Malolosi ae Aua le Faamisa (vitiō o ata tusi)

• E Faapefea Ona Ou Fesagaʻi ma Gaoioiga Faatosina Matagā i Faiga Taufeusuaʻiga?

• O ā Mea e Tatau Ona Ou Iloa e Faatatau i le Faaleagaina i Faiga Taufeusuaʻiga?—Vaega 1: Puipuiga

• O ā Mea e Tatau Ona Ou Iloa e Faatatau i le Faaleagaina i Faiga Taufeusuaʻiga?—Vaega 2: Fesoasoani

Ua iai i le Tusi Paia fautuaga aogā mo mātua

Ua iai foʻi i le Tusi Paia fautuaga aogā mo mātua, ina ia mafai ai ona latou fesoasoani i a latou fanau talavou e fesagaʻia faafitauli o le olaga. Ia iloilo mataupu faale-Tusi Paia nei.

• Lotomafatia o Talavou—Māfuaaga ma Fesoasoani

• When Your Teenage Daughter Is Stressed Out

• What if My Child Is Being Bullied?

• When Your Teenager Self-Injures

• Children and Social Media—Part 1: Should My Child Use Social Media?

• Children and Social Media—Part 2: Teaching Your Teenager Social Media Safety

• Fanau ma Telefoni—Vaega 1: Pe e Tatau Ona Iai se Telefoni a Laʻu Tama?

• Fanau ma Telefoni—Vaega 2: Aʻoaʻo Fanau i le Auala e Faaaogā Lelei ai le Telefoni

• Auala e Talanoa ai i Lou Alo e Faatatau i Upu ma Ata Matagā i le Telefoni