Ɛkɔpa ke Ndjambe kewɔ mo?

Ndjambe akɔpa ante anto wawike itshinditshinda l’osasa kape ko la vu lá paradiso lá looko!

Koko mbala imɔtshi okoka ntepela ente: ‘Akambo akɔsɔ okokawɔ nanghema wopo ɔkɔ nke?’ Bible nde lotosimela ante Onkfumi we Ndjambe wonghonangha akambo akasɔ. Ndjambe akɔpa ante onto onkfumɔ ewe wɔlɔ Onkfumi ɔkɔ kankina ko ikanyi ye Ndjambe lá gkambo dj’iso anto.​—Yeembo 37:11, 29; Izaya 9:7.

Ndjambe akɔpa ante tɛnyi wɔlɔ.

Papa ke wɔlɔ akɔpakande ngo wana we nd’eko wɛnyi wɔlɔ. Papa k’isoko ke l’olongo koko akɔpande nde toyale l’osasa w’itshinda. (Izaya 48:17, 18) Ambopɛyɛ́ elaka ante: “Onto ɔnɛ wonanghá ɛkɔpa ke Ndjambe otshikalande nde itshinda.”​—1 Djɔanɛ 2:17.

Ndjambe akɔpa ante tokɛnde lá towoka te nd’eko.

Bible atosimela ante Ontongi w’isoko akɔpake “ntolakanyɛ amboka ye nd’eko” dje iso “nkɛnda lá towoka te nd’eko.” (Izaya 2:2, 3) Ambolonghanyɛ́ “oloyi ɔmɔtshi w’anto dje djína dje nd’eko,” dje iwɔ ndjewoyɛ ɛkɔpa ke nd’eko lá looko l’otondo.​—Elemo 15:14.

Ndjambe akɔpa ante tookambele l’osanga.

Etolo ke Ndjambe ke solo epakapolaka anto; kaasanghanyɛkawɔ nde ndjaasanghanyɛ lá ngandji ke solo. (Djɔanɛ 13:35) Lá lɔko ɛkɛnɛ, olakanyɛ ampame la wamato lá dtena nkfumɔ wopo we nkambela Ndjambe l’osanga na? Tombokɔlɔmba dje wɛ ndenda nsakiso l’ikakanda ikinɛ.