Atemwe ye Yehova ewɔ wa na?

Atemwe ye Yehova anga wanɛ wewe? Wamɔtshi wakoka ndjalá imama la etena kenɛ koyale, ambayi y’ɛko y’olemo, kondo ko ambayi ye kalasa. Mbala imɔtshi koko wambambá la wɛ l’akambo we Bible. Atemwe eso solo wa na? Gkambo gkɔ nke osimelakisɔ anto ankfumɔ akambo wanɛ awolakiso l’etolo k’isoko?

Topatshikitana l’anto ankina. Amɔtshi m’eso wayalaki lá dtolo dje ndjambe nkina; amɔtshi ko wataawolaká amo Ndjambe alekɔ. Koko, lá ntondo ke ndjalá Temwe ke Yehova, onto l’onto ayapɛyɛka dje nkɔmiɛ kɔɔ alako we Bible. (Elemo 17:11) Tɛnaka ente akambo we sombeka walekɔ solo, m’anko onto l’onto nyombosɔna ante lokambela Yehova.

Wekelo we Bible wotokotshɛ. Tolekɔ l’ekakatano kape la gkɔmɔ ngo te anto ankfumɔ. Koko, lá onanghaso la wolo dje ndɔnda tɔkfɔ́ te Bible lá lowiko l’isoko, tɛna ente lowiko l’isoko lombowongá efula. (Yeembo 128:1, 2) Ɔsɔ alekɔ gkambo mɔtshi nɛ dtotomaká dje nsimela anto akambo we wɔlɔ we sombeká la Bible.

Olɔndakiso nde tɔkfɔ́ te me Ndjambe. Tɔkfɔ́ te ma Bible totokotshɛ dje ndjála la vu lá tokanyi, dje nɛmɛyɛ anto ankina, la dje ndjalá anto we gkɔmano, anto w’otema wɔlɔ. Totokotshɛ dje ndjalá la demba wolo, dje ndjalá anto wananghá akambo we wɔlɔ lá mbandja. Totoma anto wayale iwoke lá nkfumbo kankina ko la djalelo dje wɔlɔ. Te ewaso ente “Ndjambe apakɔ isonodji,” toyawɛnake ente eso nde nkfumbo ke onto la won’e ise l’andja w’otondo. Iso tombosanghaná lá djawo, topatanaka lá gkambo dje loposo kondo dje politike. Kondo eso ngo anto te anto ankfumɔ, tomboyalá nkfumbo ketshikitaná l’anto ankina.​—Elemo 4:13; 10:34, 35.

• Atemwe ye Yehova okokanawɔ l’anto ankina lá akambo akɔ nke?

• Tɔkfɔ́ tɔkɔ nke Atemwe yombewá ma ndjeka Bible?