Akambo w’anto olekawɔ ndjila yimba

Kɛnɛ kɛ Yeso ndananghe

VIDEO: Yeso nya omoto w’ose Samariya lá mpeku djɛ washi

1. Lenda VIDEO, kana wala Djɔanɛ 4:6-9. Ko tɔnɔla lá weepó w’ɛlɔnda wɛnɛ:

1. Yeso ndɛnyi nge lá nkambo djɛ omoto lá ntondo kɛ nde ntateyɛ nsawola nya nde?

2. Yeso oshimelaka ante: ‘Ɔmpɛyɛ ndambo kɛ washi wa nnɔ.’ Ladjikɛnge ɔsɔ yayale yopo yɛ wɔlɔ efula yɛ mbanga ntshawo?

Owaso olakanyelo wɔkɔnge me Yeso?

2. Mbala efula tongowa mbamba yɛ nsawola l’anto ntsha tombotateyɛ ntshawo la nkambo dj’olekawɔ ndjila yimba kana dj’olapɛyɛwɔ efula.

Okola Yeso

3. Tshikitanyɛ ntshawo ntsha nkokaka. Tonanghake djɛ ntateyɛ ntshawo ngo la nkambo djɛ ngɔlɔngɔsɔlisá. Tateyɛ ntshawo la nkambo mɔtshi djɛ anto otepelawɔ. Kolawopola ente:

1. ‘Nsango yɛkɔngɔ itepela anto?’

2. ‘Ansukanyi wami, winami w’olemo kana wa nkalasa otepelawɔ akambo wakɔnge?’

4. Kɔmɛ nkete nkodjingi. Kolawopola ente:

1. ‘Onto wɔnɛ onanghande winá wɔsɔ nge? Okanelande nkambo djɛkɔnge?’

2. ‘Ɔlɔtɔ, ɛnamelo kana mvulu kɛnde, onshimelawɔ nge lá nkambo djɛ ɔtɛmwɛlɔ kana nkfumbo djɛnde?’

3. ‘Alekɔ wɔlɔ lemi nsawola la nde winá wɔsɔ?’

5. Ekameyɛ.

1. Totepelake efula.

2. Kembɛ onto djɛ nde ntepela kɛnɛ kelekɔ́ l’oloko wɔnde. Opolande weepó ntsha nkokaka.