Nsango yɛ wɔlɔ yewɔ solo ngo me Ndjambe?

1. Omɛlɛ Bible na?

Losango le wɔlɔ lonatepela amɔ anto wangowika itshinditshinda lá looko yombofundamá nde lá Bible. (Yeembo 37:29) Bible elekɔ la tonkankanda 66. Ndjambe atomaka mpame ye nkɔmano lɛdji le 40 djɛ iwɔ mfunda enkanda ɛkɔ. Moize nde lofundisá enkanda etano we ntondo, embeta deko te 3 500. Ɔpɔstɔlo Yoane ayɛka yofunda onkanda w’ekomo embeta deko te 1 900. Amfundji yɛ Bible yofundaká tokanyi tɛ na? Ndjambe atomaka edjimo osanto ke ndeko dje nsimela amfundji yɛ Bible tokanyi tɛ ndeko. (2 Samwɛlɛ 23:2) Ko wafundaka tokanyi tɛ Ndjambe, ipa t’iwɔko yɔmɛlɛ. Djɔko nde oyɛ Ɔmɛlɛ Bible nde Yehova.​—Tangá 2 Timɔte 3:16; 2 Pɛtɛlɔ 1:20, 21.

Lenda video Ole ikɔkɔ yɛ Bible ná?

2. Wopo ɔkɔ nke okokaso ndjewa kɔɔ ente Bible dekɔ sɔlɔ?

Tewa ente Bible yoyé nde me Ndjambe nkambo Bible djewoyɛ pololo akambo wanɛ waayé lá ntondo. Lako onto onɛ wokoká nangha nghɔsɔ. (Yosua 23:14) Ngo Ndjambe Nkanga Nkfulu Inkfumɔ nde lokoka ndjewoyɛ sɔlɔsɔlɔ akambo wanagoyela anto.​—Tangá Izaya 42:9; 46:10.

Onkanda wɛ me Ndjambe olekɔ la djɛ ntshikitana l’enkanda enkina. Bible sɔlɔ ntshikitanaka l’enkanda enkina. Bible mbopoposaná wamiliare la miliare l’etepela ankama la nkama. Kondo ewɔ okanda wɔ ma tshiká andɛlɛ, Bible djokanake la siansɛ kɛ sɔlɔ. Kankina ko anto 40 wanɛ wafundisá Bible watayakendolaká.a Olendaka kape, Bible dekɔ sɔlɔ la ilembetelo yɛ ngandji kɛ Ndjambe. Kankina koko tii lɔko kɛnɛ, Bible alekɔ onkanda wonɛ wolekɔ la wolo wɛ mbɔngɛ lowiko l’anto. Akambo ankfumɔ akasɔ nde wanatoma wamiliyɔ y’anto wawole amɔ sɔlɔ, Bible alekɔ Otepela wɛ Ndjambe.​—Tangá 1 Tesalɔnikɛ 2:13.

Lenda video Wopo wɔkɔnge awolaso ente Bible ndekɔ nsɔsɔlɔ?

3. Bible otepelakande akambo akɔ nke?

Djoyi mɔtshi djɛ Bible otepelande efula nde losango lɔ wɔlɔ lonɛnyɛ ante Ndjambe ambokaná nkano djɛ ngandji efula lá nkambo dj’anto. Afundelo wɛnyɛ lɛdji le anto yotshutshɛ́ djɛsɛ djɛ ntshikala lá paradiso l’anɛ lá looko ma bangobango dje lowiko, kankina ko wopo ɔkɔ nke Ndjambe nyongokaloyɛ paradiso lá looko.​—Tangá Ndjiso 21:4, 5.

Otepela wɔ Ndjambe olekɔ l’ɛlɛmbɛ, la tɔkfɔ́, l’alako. Kankina koko Bible ayalake la ndjɔmbɔmba efula inɛ yɛnyɛ́ lɛdji le Ndjambe onanghelakande anto akambo. Ndjɔmbɔmba ikɔ ikoka ntokotshɛ dj’iso ndjewa lɛdji le Ndjambe ɛkɔ nke Yehova ende. Ɔsɔ kɛnyɛ ente Bible ekoka nkokotshɛ wɛ djɛ ndjewa Ndjambe. Bible ɛnyɛ kankina wopo ɔkɔ nke okokɛ nangha djɛ ndjalá ilongó yɛ Ndjambe.​—Tangá Yeembo 19:7, 11; Djakɔbɔ 2:23; 4:8.

4. Okokisɔ nsipoyɛ Bible wopo ɔkɔ nke?

Ikakanda ikinɛ ingokokotshɛ djɛ wɛ nsipoyɛ Bible wɔlɔ, nde ombokola wopo ona Yeso nyonanghaká. Nde atangaki avɛrsɛ wopo la wopo, manko apɛyɛki anto “nsakiso k’Afundelo.”​—Tangá Luka 24:27, 45.

Lako kondo ekete ɛmɔtshi kɛnɛ keleká nsango ye wɔlɔ yɛ me Ndjambe. Koko, anto amɔtshi wapilaká yimba lá nsango ikɔ; ankina yapindjɛkawɔ nde otema. Koko wɛ, tokalɔke mbisa. Okokɛ mba lowiko l’itshinda lonɛ wokonge ngo nde ombewa Ndjambe wɔlɔ.​—Tangá Djɔanɛ 17:3.