Bible nde losango lɔ Ndjambe te anto

Yehova ambɔtɔpɛyɛ́ opapɛyɛ wɔ wɔlɔ efula Bible, dekɔ la tonkankanda 66. Koko okoka ndawopola ente: ‘Bible yaye mampe? Kange ikɔkɔ yɛ Bible na?’ Djɛ nkadjimola lá weepó wɛsɔ, ntshɔ tokoshishima wopo wɔ losango lɔ Ndjambe lotanaso lá Bible yakome leso.

1. Ntsha anto ndeke lofunisá Bible, lamo otepelaso ente Ndjambe ndeke kanga Bible?

Anto 40 ndeke lofunisá Bible l’ilá k’ɛnɔnyi etengo 1 600, ntepela ente ntateyɛ má 1513 N.D.D. tii tá 98 D.D. Anfunyi yɛkɔ wayalaki la nkopo yɛ mbiko itshikitanyi. Amɔtshi wayalaki anami w’ɛnkɔkɔ, ansaki ndjale la ankfumi yɛ nkanga. Kaanga oyɛwɔ nghɔsɔ, Bible dj’otondo ndjokanaka. Wopo wɔkɔnge nkambo djɛsɔ okokawɔ nanghema? Ladjikɛnde Ndjambe ndeke lolekɔ́ Ikɔkɔ yɛ Bible. (Wala 1 Tesalɔnikɛ 2:13.) Anto wafunisá watafuna tokanyi tɔwɔ, koko iyafune nde tokanyi tɔ Ndjambe. Mande, ‘watshindamaka la nyuma kɛnde.’a (2 Pɛtɛlɔ 1:21) Ndjambe akambaka la nyuma kɛnde k’ekina djɛ ndɔndjɛ ampame ntepela ente ndatshinda dj’iwɔ mfuna tokanyi tɔnde.—2 Timɔte 3:16.

2. Bible oyɛwɔ djɛ wa na?

‘Ewila enkfumɔ, tɔkɔlɛ, etepela la anto ankfumɔ’ nkoka mba wapɔ má ndjewa nsango yɛ wɔlɔ yetepela Bible. (Wala Ndjiso 14:6.) Ndjambe ananghaka djɛ Bible mposa l’etepela efula ntshikitana l’enkanda enkina weposɛ wana w’anto. Onto onkfumɔ nkoka ndjala la Bible. Djoyi djɛsɔ dekɔ nsɔsɔlɔ ayale edjena kɛkɔnge k’oyɛ kana otepela wɔkɔnge w’otepelɛ.

3. Yehova ndananghe mo djɛ Bible namema?

Bible djefunamaka la nkete djetshikitanyi djepatshikala ilá, etengo mposo y’anyama, la papirisɛ. Koko anto wakɔpaki Bible wasangolaka edjinge wakalɔka nsangola la ɛwɔ. Kaanga anto amɔtshi wayalaki la nkfulu k’efula yahone ntshita Bible, anto ankina wayalaki entshupa djɛ djila mbiko yɛwɔ lá mbalaka ngo djɛ nama Bible. Yehova atawola kaanga ekete kana onto ndooshimba djɛnde ntewola losango lɔnde. Bible ntepelaka ante: ‘Otepela wɔ Ndjambe kɛso wongotshikala lotshinda lotshinda.’—Izaya 40:8.

TSHIMOLA

4. Bible nyɛnyɛka olekɔ́ Ikɔkɔ yɛnde

Lenda VIDEO. Ko wala 2 Timɔte 3:16, ko kadjimola lá woopó wɔnɛ.

VIDEO: Kanga lolekɔ́ Ikɔkɔ yɛ Bible na?—Video dj’itenyi (2:48)

• Ntsha anto ndeke lofunisá Bible, lamo owetawɔ ambɔ Otepela wɔ Ndjambe?

• Ngo ngete lewɛ, alekɔ nkambo djɛ balo ndjawola ente Ndjambe ndeke lɔpɛyisá anto lotshungɔ lɔ mfuna tokanyi tɔnde?

5. Bible djelamemaka m’onanyelo

VIDEO: Iwɔ wɔsaki Bible la ntshina efula—Video dj’itenyi (William Tyndale) (6:17)

• Wina wokanelɛ ndjolo yɛnisá anto djɛ nama Biblɛ, wɛ omboyala la mposɛ kɛ ndoowala? Lamo?

Wala Yeembo 119:97, ko kadjimola lá woopó wɔnɛ:

• Kɛkɔnge ketshindisá anto efula djɛ ndjila mbiko yɛwɔ lá mbalaka ngo djɛ nkadjimola la nkapanyɛ Bible?

6. Onkanda w’anto ankfumɔ

Lá nkilika ɛkɔndɔ, Bible alekɔ onkanda womboleka nkadjimɔma la nkapema l’andja w’otondo. Wala Elemo 10:34, 35, ko kadjimola lá weepó wɛnɛ:

• Ladjikɛnge Ndjambe ɔkɔpande dj’Otepela wɔnde nkadjimɔma la ntshanghana l’andja w’otondo?

• Kɛkɔnge kekosasangɛ lá Bible?

LÁ YOPASƐ

Bible ndekɔ Otepela wɔ Ndjambe, edjinge nde nkɔpaka dj’onto onkfumɔ ndjala la djɛkɔ.

Mvungo

• Winá w’otepelaso ente Ndjambe atshindaka anto má nyuma kɛnde k’ekina djɛ mfuna Bible, kɛkɔnge kesakisola djoyi djɛsɔ?

• Kɛkɔnge kembokokamoyɛ lá wopo wɔ Bible yombolamema, yombokadjimɔma, edjinge yombokapanyema?

• Oyawokɛ ngete mo winá w’ewɛ ente Ndjambe ananghaka la wolo djɛ ntɔmpɛyɛ Otepela wɔnde?

TOKANYI TONKINA

Wala ɔkɔndɔ wolendana la Bible, má efunelo w’ililá tii lá nkadjimwelo dj’etsho wɛnɛ.

“Wopo wɔ Bible yakome leso” (Wetshɔ!, Ngɔndɔ kɛ djomi l’ɔmɔ 2007, lá Otetela)

Tokoshishima djɛ ndjewa wopo wolamemisá Bible má ekakasano esato wɛ nkekete.

“Ɔkɔndɔ wɛnyɛ wopo wolamelisá Bible” (Etange k’Olami No. 4 2016 lá Otetela)

Lenda wopo wɔ anto amɔtshi iyile mbiko yɛwɔ lá mbalaka ngo djɛ nkadjimola Bible.

Iwɔ wɔsaki Bible la ntshina (14:26)

Anto wasangolaka la wakadjimolaka Bible mbala efula. Lamo awolɛ ente losango lɔ Ndjambe lako ntshikitana?

“Bible djembotshikitanyemá?” (Djamba djelá jw.org)