WEKELO 11
Wopo w’okokɛ ndeka mba wapɔ má badji djɛko djɛ Bible
Wɛ otayalaká la wɔma wɔ banga olemo ɔmɔtshi w’ekekete? Djɛ olemo wɔsɔ ndjala wɔɔdju, wɛ nkoka nkapanyɛ lá totenyi totenyi. Oyɛwɔ ngo nghɔsɔ lá nkambo djɛ badji djɛ Bible. Wɛ nkoka ndawopola ente: ‘Mampe okokami mbanga.’ Lá wekelo wɔnɛ, tɔngɛna akambo amɔtshi wa wɔdju wangokokotshɛ́ djɛ wɛ nkɔpa badji la wekelo wɔko wɔ Bible.
1. Ladjikɛnge oyɛso ladjɛ mbalaka Bible mbala la mbala?
Onto wowala Bible kana ‘ɛlɛmbɛ wɛ Yehova’ lofu la lofu, angoyala l’osasa edjinge angolonga. (Wala Yeembo 1:1-3.) Djɛ mbanga, walaka kaanga minitɛ imangha toko lá mfu inkfumɔ. Winá wɔ ngotaleke ndjekesanela l’Otepela wɔ Ndjambe, ndeke ngongoleka sasanga la badji djɛko djɛ Bible.
2. Kɛkɔnge kengokokotshɛ́ djɛ mba wapɔ má badji djɛ Bible?
Djɛ mba wapɔ má badji djɛ Bible, iso ladjɛ ntemadjɛka badji edjinge ntatɔnɔlaka la kɛnɛ kɛ sotawale. Iso ladjɛ mbalaka Bible edjinge ‘ntɔnɔlaka l’eteyi.’ (Yosua 1:8, nɔtɛ kel’anse kɛ nkishi) Winá w’owalɛ, lokawopole ente: ‘Kɛkɔnge kendakanyɛ vɛrse djɛnɛ lá nkambo djɛ Yehova Ndjambe? Wopo wɔkɔnge w’okokami nkamba la nkambo djɛnɛ lá lowiko lɔmi? Wopo wɔkɔnge w’okokami nkamba l’avɛrse wanɛ djɛ nkotshɛ́ anto ankina?’
3. Wopo wɔkɔnge w’okokɛ mba winá wɔ mbalaka Bible?
Ongoyalake l’okakasano djɛ mba winá wɔ mbala Bible? Anto efula walekɔ l’okakasano wɔsɔ. Nangha la wolo djɛ ‘nkamba la winá wɛko lá wopo wɔ wɔlɔ.’ (Ɛfɛsɛ 5:16) Wɛ nkoka nangha nkambo djɛsɔ má nsɔna winá kɔɔ wɔ ngongowalaka Bible mfu inkfumɔ. Anto amɔtshi mbaka winá wɔ mbala Bible la nkɛsɛ djɛ kfɛɛ. Ankina nsɔnaka winá ɔmɔtshi la yaane, nkoka ndjala winá w’ɔlɛwɔ nkete djɛ midi. Ankina lonkina mbalaka Bible la nkɔlɔ lá ntondo kɛ ndjetama. Ya winá wɔkɔnge woleka wɔlɔ lewɛ?
TSHIMOLA
Isola kɛnɛ k’okokɛ nangha djɛ wɛ ndeka nsasanga la badji djɛko djɛ Bible. Lenda lonkina wopo w’okokɛ ndálɔngɔsɔla wɔlɔ djɛ wɛ ndeka mba wapɔ má wekelo wɔkɔ wɔ Bible.
Ngo ngete okokaso ndjeka djɛ nkɔpa eleelo wetshikitanyi, ndeke okokaso ndjeka djɛ nsasanga la badji djɛ Bible
4. Eka djɛ nsasanga la badji djɛ Bible
Apalekɔ nkambo djɛ wɔdju ntateyɛ mbala Bible. Koko wɛ nkoka ndjala la ‘mposɛ k’efula’ kɛ mbala Bible ngo ngete onto okokande ntateyɛ nkɔpa nkete djɛ ndotalɛka ntondo. Wala 1 Pɛtɛlɔ 2:2, ko kadjimola lá woopó wɔnɛ:
Okanela ente ɔngɔkɔpa edjinge ongokindjɛ mbala Bible ntsha wɛ mbalaka mfu inkfumɔ?
Lenda VIDEO djɛ ndjewa wopo wɔ anto amɔtshi yotateyɛ nkɔpa mbala Bible. Ko masɔ kadjimola lá weepó wɛwɔlama wɛnɛ.
Lá video djɛnɛ, ekakasano wɛkɔnge elangala l’eseka iyalongela?
Kɛkɔnge kákotshisá djɛ nkotshɛ okoma wɔwɔ wɔ mbalaka Bible mfu inkfumɔ?
Kɛkɔnge kákotshisá dj’iwɔ ndeka nsasanga la badji djɛwɔ djɛ Bible?
Alako wangokokotshɛ́ djɛ mbanga:
Sɔna Bible djelekɔ́ la totepela tɔ wɔdju edjinge djetepala akambo ngo wopo woyɛwɔ. Wɛ nkoka nkamba la Ekadimwelo k’andja w’oyoyo ntsha kelekɔ l’otepela wɔko.
Wanga mbala akambo wangokosasangɛ. Djɔmbɔmba lenda ipapango yelekɔ́ l’ɔtɛ wɔ djoyi: “Wanga badji djɛ Bible.”
Funa akambo wa ngowalaki. Kamba la tablo kel’onkanda wɔnɛ kelekɔ́ l’ɔtɛ wɔ djoyi ante: “Badji djɛmi djɛ Bible.”
Kamba l’aplikasiɔ JW Library®. Ntsha wɛ ndjila aplikasiɔ wɔsɔ lá telefɔnɛ, tablɛtɛ, kana l’ɔrdinatɛrɛ wɔko, okoka mbala kana ndjekameyɛ Bible lá djena nkfumɔ.
Kamba la wa apandisɛ welekɔ́ lá Bible—Ekadjimwelo k’andja wa bango. Welekɔ la waa kartɛ, tablo, edjinge nsakiso yɛ totepela telá Bible. (lexikɛ) Mpeko nkfumɔ djɛsɔ nkoka nkokotshɛ́ djɛ nsasanga la badji djɛko djɛ Bible.
5. Lɔngɔsɔlaka wekelo wɔko wɔ Bible
Wala Yeembo 119:34, ko kadjimola lá woopó wɔnɛ:
Ladjikɛnge oyɛwɔ djonyi ndɔmbaka lá ntondo kɛ mbala Bible kana kɛ ndɔngɔsɔla wekelo wɔko wɔ Bible?
Wopo wɔkɔnge w’okokɛ mba wapɔ lá etenyi kenkfumɔ kɛ wekelo? Winá wɔlɔngɔsɔlɛ wekelo ɔmɔtshi w’onkanda wɔnɛ, sɛsa nkamba la yopo yɛnɛ:
Wala totenyi telá ewangelo kɛ wekelo.
Hona edjinge wala avɛrse, masɔ, hona djɛ nsipisoyɛ wopo wɔ avɛrse wakɔ okanawɔ l‘ikanyi yɛ nyotashishimá.
Kfula osidji lá tokanyi tɔ djonyi kana totepela tɔ wɔlɔ tokadjimola lá weepó; nkambo djɛsɔ ngokokotshɛ winá wokanɛ yimba nya wetsha wɔko.
Ongewake?
Ewakɛ wɛ Yehova wambokambaká la nkadjimwelo efula djɛ Bible. Koko iso ndeka nkɔpa Bible—Ekadjimwelo k’andja wa bango ladjikɛnde kelekɔ djɔ, kokama papoo edjinge kekamba la djiina djɛ Ndjambe.—Lenda djamba djelá jw.org djetepea ante: “Ewakɛ wɛ Yehova walekɔ la Bible djɛwɔ yɔmɛlɛ?”
ANTO EFULA NTEPELAKA AMBƆ: “Wekelo wɔ Bible wolekɔ nkambo djɛ wolo efula. Mpalekɔ la winá edjinge la wolo wɔ ndjeka.”
Okanelɛ mo lá nkambo djɛsɔ?
LÁ YOPASƐ
Djɛ mba wapɔ efula má badji djɛko djɛ Bible, ngo wɛ nonghanyɛ winá wɔ mbalaka, ndɔmbaka djɛ nsipisoyɛ akambo w’owalɛ edjinge ndɔngɔsɔlaka wekelo wɔko wɔ Bible.
Mvungo
Kɛkɔnge kekoka nkokotshɛ́ djɛ wɛ ndeka mba wapɔ má wekelo wɔko wɔ Bible?
Winá wɔkɔnge w’okokɛ mbalaka la ndjekaka Bible?
Lamo oyɛwɔ djonyi djɛ wɛ ndɔngɔsɔlaka wekelo wɔko wɔ Bible?
TOKANYI TONKINA
Vungola tokanyi tongokokotshɛ́ djɛ wɛ mba wapɔ má badji djɛko djɛ Bible.
“Wopo wɔ ndeka mba wapɔ má badji djɛ Bible” (Etange k’Olami No. 1 2017 lá Otetela)
Eka topo tosato tɔ mbala Bible.
“Wopo wɔkɔnge Bible okokande nkotshɛ́ lemi?—Etenyi 1: Ekela Bible djɛko” (Djamba djelá jw.org)
Isola wopo wɔ nsasanga la badji djɛ Bible.
Lenda tokanyi tɔmɔtshi tolendana la wekelo mé anto wambowalaká Bible ilá efula.