WEKELO 12
Kɛkɔnge kengokokotshɛ́ djɛ wɛ nkindjɛ ndjeka Bible?
Winá wotshɔso nkɛndɔ, tongisolake akambo wá wɔlɔ, koko tongopomanake edjinge l’ekakasano. Ngo nghɔsɔ ndeke oyɛwɔ lá nkambo djɛ wekelo wɔ Bible. Mbala imɔtshi okoka ndawopola ntsha ongoyala l’akoka wá nkindjɛ ndjeka Bible. Ladjikɛnge oyɛ ladjɛ nkindjɛ ndjila welo djɛ ndjeka Bible? Kekɔnge kengokokotshɛ́ djɛ nkindjɛ ndjeka kaanga winá w’opomanɛ l’ekakasano?
1. Ladjikɛnge oyɛwɔ djonyi ndjeka Bible?
‘Otepela wɔ Ndjambe wolekɔ la lowiko edjinge la nkfulu.’ (Hebero 4:12) Bible dekɔ ndjonyi efula ladjikɛnde ntɛnyɛ tokanyi tɔ Ndjambe edjinge wopo w’oyawokande lá nkambo djɛso. Djetokotshɛ djɛ mba balo, yimba yɛ nsɔsɔlɔ edjinge nkongi. Nkambo djeleka djonyi nde, ntokotshɛ djɛ ndjalá tolongo tɔ Yehova. Winá w’ekɛ Bible, lowiko lɔko lɔngɔwɔnga.
2. Ladjikɛnge oyɛwɔ djonyi ndjewa ntshina kelekɔ́ l’akambo wa nsɔsɔlɔ welá Bible?
Elakanyelo welá Bible welekɔ etengo nkete djɛ ntshó. Djɛkondeke Bible otokembɛnde ante: ‘Somba akambo wa nsɔsɔlɔ edjinge taasadjɛke.’ (Woongo 23:23) Ntsha tewa ente elakanyelo welá Bible welekɔ ntshina, tongonangha la wolo djɛ nkindjɛ ndjeka Bible kaanga winá w’opomanaso l’enkeka wɛkɔnge.—Wala Woongo 2:4, 5.
3. Wopo wɔkɔnge Yehova okokande nkokotshɛ́ djɛ nkindjɛ ndjeka Bible?
Etengo oyɛnde Kanga-Nkfulu-Inkfumɔ, Ontongi edjinge Ilongo yɛko, Yehova nkɔpaka nkokotshɛ́ djɛ wɛ ndoowewa. Nde akoka nkɔpɛyɛ ‘mposɛ la wolo wɔ nangha akambo.’ (Wala Filipɛ 2:13.) Djɛkondeke, ntsha lá winá ɛmɔtshi oyawoka ente olekɔ la djonyi djɛ ndeka ndjala la mposɛ kɛ nkamba l’akambo w’ekɛ, nde angokokotshɛ. Ntsha olekɔ la djonyi djɛ wolo wɔ ndongela ekakasano kana onanyelo, nde angɔkɔpɛyɛ. Lɔmbaka Yehova mbala la mbala djɛ nde nkokotshɛ́ djɛ wɛ nkindjɛ ndjeka Bible.—1 Tesalɔnikɛ 5:17.
TSHIMOLA
Lenda kɛnɛ k’okokɛ nangha djɛ nkindjɛ ndjeka Bible kaanga ntsha olekɔ l’akambo efula wa nangha kana ntsha anto ankina wakonanyɛ. Tolende lonkina wopo wɔ Yehova ndongokokotshɛ djɛ wɛ nkindjɛ ndjeka Bible.
4. Hetshɛ wekelo wɔko wɔ Bible l’edjena kɛ ntondo
Winá ɛmɔtshi, tongoyalake l’akambo efula wa nangha lá lowiko, ko ndokomaka etengo topowaka winá wɔ ndjeka Bible. Kɛkɔnge kekoka nkokotshɛ́? Wala Filipɛ 1:10, ko kadjimola lá weepó wɛnɛ:
Le wɛ, “akambo [amɔtshi] wakɔnge waleká djonyi” lá lowiko lɔko?
Wopo wɔkɔnge w’okokɛ mpetshɛ́ wekelo wɔko wɔ Bible l’edjena kɛ ntondo?
Ntsha wɛ ndjila nkɛtɛ ntondo lá bomba, awanga ankfumɔ wapangowa edjena kɛ ndjingela
Koko ntsha wɛ ndjila awanga ntondo, edjena kengotshikala kɛ ndjila nkɛtɛ inkfumɔ. Wopo wɔk’ɔmɔ ndeke, ntsha ombohetshɛ ‘akambo waleka djonyi’ l’edjena kɛ ntondo lá lowiko lɔko, ongoyala l’akoka wa nshiyɛ akambo wakɔ la mba winá wɔ nangha akambo ankina
Wekelo wɔ Bible ntoseyɛka ehomba wɛso welá nyuma, ntepela ente ehomba wɛso wɛ ndjewa la ntɛmɔla Ndjambe. Wala Mateo 5:3, ko kadjimola lá woopó wɔnɛ:
Wɛlɔ wɛkɔnge wowakaso winá w’ohetshɛso wekelo wɔ Bible l’edjena kɛ ntondo?
5. Kindjɛ ndjeka kaanga winá w’opomanɛ l’onanyelo
Lá mbamba imɔtshi, anto amɔtshi nkoka nkɔlɛmbɛ demba dj’ipa wɛ ndjeka Bible. Tokolenda ndjɔmbɔmba kɛ Francesco. Lenda VIDEO, ko kadjimola lá weepó wɛwɔlama wɛnɛ.
Lá video djɛnɛ, kɛkɔnge kenanghisá nyangho Francesco la ntombe yɛnde winá wɔ ndaashimela akambo wa ndekaka?
Kɛkɔnge kɛ Francesco ndawa má onkfulumedji wɔnde?
Wala 2 Timɔte 2:24, 25, ko kadjimola lá weepó wɛnɛ:
Nkfumbo kɛko la ntombe yɛko otepelawɔ mo l’akambo w’ekɛ?
Lá nkilika avɛrse wanɛ, kɛkɔnge k’okokɛ nangha ntsha onto ɔmɔtshi apakɔpɛ wopo w’ekɛ Bible? Lamo?
6. Yawɛkɛ te Yehova djɛ nde nkokotshɛ́
Winá woyasukanyɛso la Yehova, mposɛ kɛso kɛ ndoosasangɛ mfulaka. Koko, iso nkoka ndjala l’okakasano djɛ nangha etshikitano lá lowiko lɔso djɛ nɛmɛyɛ ɛlɛmbɛ wɛnde. Ntsha nghɔsɔ ndeke oyawokɛ, mbɔkoko tɔlɛmbake. Yehova angokokotshɛ. Lenda VIDEO, ko kadjimola lá weepó wɛwɔlama.
Lá video djɛnɛ, etshikitano wɛkɔnge wenanghisá Jim djɛ nsasangɛ Yehova?
Kɛkɔnge kekokamoyɛ l’ɔkɔndɔ wɔnde?
Wala Hebero 11:6, ko kadjimola lá weepó wɛnɛ:
Kɛkɔnge kɛ Yehova ndonghonanghela anto ‘wohona l’oloko ɔmɔ,’ ntepela ente waananghá la wolo djɛ ndoowewa la ndoosasangɛ?
Lá nkilika vɛrse djɛnɛ, wopo wɔkɔnge woyawoka Yehova winá wɛnande welo wilɛ djɛ ndjeka Bible?
NTSHA ONTO AMBOKOPOLA ANTE: “Ladjikɛnge ekɛ Bible?”
Okokɛ nkadjimola ente mo?
LÁ YOPASƐ
Kaanga iyopayalaka winá enkfumɔ wɔdju ndjeka Bible, kɛsɔ nkoka nkokotshɛ́ djɛ nsasanga la lowiko lotshinda lotshinda. Kindjɛ ndawɛkɛ te Yehova, ko nde angokofuta.
Mvungo
Ladjikɛnge elakanyelo welá Bible oyɛwɔ la ntshina le wɛ?
Wopo wɔkɔnge w’okokɛ mpetshɛ “akambo waleka djonyi” l’edjena kɛ ntondo”?
Lamo oyɛ ladjɛ ndɔmba Yehova djɛ nde nkokotshɛ́ djɛ nkindjɛ ndjeka Bible?
TOKANYI TONKINA
Lenda topo tɔnɛyi tokotshisá anto efula djɛ ndjewa nkamba la winá wɛwɔ la balo.
“Wopo wɔ nkamba wɔlɔ la winá wɛko” (Wetshɔ!, Ngɔndɔ k’ape 2014 lá Otetela)
Tolende wopo wɔ Yehova ndakotshɛ́ mama kɛmɔtshi kɛ womɛnde atasipisoyɛki welo wɛndilaka djɛ nsasangɛ Ndjambe.
Lenda wopo wɔ mpame kɛmɔtshi ndawa wapɔ mpeyi má okfulumedji wɔ wadjɛnde.
Ayalaka okakasano djɛ lemi ndjawola akambo wa nsɔsɔlɔ (6:30)
Lá mbamba imɔtshi, anto ntepelaka ambɔ Ewakɛ wɛ Yehova wangatolake anto l’ankfumbo yɛwɔ. Nkambo djɛsɔ dekɔ nsɔsɔlɔ?
“Ewakɛ wɛ Yehova wangatolake ankfumbo ndokoko osanghanyɛkawɔnde nsanghanyɛ?” (Djamba djelá jw.org)