Nyosawole ete ngo anto yosawolaka

Kɛnɛ kɛ Filipɛ ndananghe

VIDEO: Filipɛ apoposanyɛ ekfuta k’ose Etiyopi

1. Lenda VIDEO, kana wala Elemo 8:30, 31. Ko tɔnɔla lá weepó w’ɛlɔnda wɛnɛ:

1. Filipɛ ndatateyɛ ntshawo ngete mo?

2. Ladjikɛnge yayale wopo wɔ wɔlɔ wɔ mbanga ntshawo, ko wopo wɔkɔnge Filipɛ ndololakanyɛka djoyi mɔtshi djɛ ntato?

Owaso olakanyelo wɔkɔnge me Filipɛ?

2. Ntsha tombotateyɛ ntshawo l’onto ete ngo isosawolaka, onto wɔkɔ angolawoka wɔlɔ la angawola nsawola laso.

Okola Filipɛ

3. Kɔmɛ wɔlɔ wɔlɔ. Wɛ okoka ndjewa akambo efula walendana l’onto má nkɔmɛ ɛnamelo kɛnde, wopo wetshetshɛnde ɛwɔ winá w’otepelande, la elongi kɛnde. Onto wɔkɔ akɔpa nsawola nyape? Okoka ntateyɛ nsawola nya nde nkambo mɔtshi djɛ Bible má ndowopola ente: “Wɛ ndjewaka ente . . .?” Totshindake onto djɛ nde nsawola la wɛ la wolo.

4. Yala la bale ntshitshi. Toyalake isoso komba djɛ ntepela djoyi mɔtshi djɛ má Bible ngo mbala kɛkɔ kɛmɔ. Konga winá w’okoka djɛ wɛ ndotepela djoyi djɛkɔ djɛ ntshawo djɛnyo ndjala ete ngo anto yosawolaka winá enkfumɔ. Winá ɛmɔtshi, angɔlɔmbama wɛ nkonga djɛ ndotepela ngo mbala k’ɔkɔngɔ.

5. Yala entshupa djɛ ntshikitanyɛ ntshawo. Onto nkoka ntshikitanyɛ djamba dj’ambanyo tá nkambo mɔtshi djɛ ngopakanelaki. Yala entshupa djɛ ndoshimela djoyi mɔtshi dekɔ́ ohomba le nde, kaanga ntsha apalekɔ nkambo dekɔ́ la wɛ lá yimba.