WEKELO 26
Ladjikɛnge ndjolo l’akambo wapɔlɔ oyɛwɔ efula nghɔnɛ?
“Ladjikɛnge?” Ɔsɔ alekɔ woopó wopolaká anto efula winá woposa mbalaka kɛmɔtshi. Tolekɔ nsɔsɔlɔ l’osasa lombombe djɛ ndjewa ente Bible mpɛyɛka nsakiso k’okama papoo lá woopó wɔsɔ!
1. Wopo wɔkɔnge Satana ndingeyɛ akambo wapɔlɔ l’andja?
Satana Djabolo apendolaka Ndjambe. Satana akɔpaka ndɔndjɛ anto ankina, djɛkondeke ndatshinde anto wa ntondo, Adama nya Eva dj’iwɔ mpendola Ndjambe etengo nde. Nde ananghaka nkambo djɛsɔ má ndjimbá Eva. (Ewangelo 3:1-5) Nde akomɛka Eva tii djɛ nkanela ante Yehova ópekala ekete kɛmɔtshi kɛ wɔlɔ. Nde ódjimbaka ante anto wangoyala l’osasa efula ntsha kaanga iwɔ wapalɛmɛyisa Ndjambe. Satana atepelaka ongolo wɔ ntondo, winá wɔ ndashimela Eva ante opangovɔ. Djɛkondeke Bible etande Satana ante ‘kanga ongolo edjinge papa k’ongolo.’—Djɔanɛ 8:44.
2. Ɔsɔnwɛlɔ wɔkɔnge wonanghisá Adama nya Eva?
Yehova ayalaka la lokapo l’efula te Adama nya Eva. Nde aapɛyɛka mbambo inkfumɔ yeyalaki lá bedji dj’Ɛdɛna, nyimɛ ngo otamba ɔmɔ. (Ewangelo 2:15-17) Koko iwɔ wɔsaka nkano djɛ ndɛ lowambo lɔ m’otamba wɔ ndaapekala. Ko Eva ‘awangaka mvuka lowambo l’imá otamba wɔkɔ ko alɛɛka.’ M’ɔkɔngɔ, Adama ‘awangaka ndɛ lowambo lɔkɔ.’ (Ewangelo 3:6) Iwɔ yape kɛkɔ wapendolaka Ndjambe. Mande Adama nya Eva wayalaka djɔ, wakokaka ndɔsa nkano djɛ nangha kɛnɛ kelekɔ́ wɔlɔ. Koko, má mpendola Ndjambe l’onkonda onkfumɔ, iwɔ wananghaka mpekanto edjinge watonaka ɛlɔndjɛlɔ kɛnde. Nkano dj’iyɔshi djɛsɔ djayakalaka ndjolo.—Ewangelo 3:16-19.
3. Eposelo wɛkɔnge sombowa má nkano dj’ɔsisá Adama nya Eva?
Winá wɔ Adama nya Eva yakome ananghi yɛ mpekanto, edjinge tonkana la tonkanola tɔwɔ tonkfumɔ tokomaka anto wa ntshamba djɛ djɔ. Lá nkambo djɛ Adama, Bible atepela ante: ‘Mpekanto [kingelaka] l’andja me onto 1 edjinge nyɔyi má mpekanto, ko nyɔyi ketshanghanaka le anto ankfumɔ.’—Ɔrɔma 5:12.
Tɛna ndjolo má donga djetshikitanyi. Mbala imɔtshi tɔngɛnake ndjolo ladjikɛnde tɔsaka akano wa nyɛtshi. Mbala inkina tɔngɛnake ndjolo m’ɔtɛ w’akano wa nyɛtshi w’anto amɔtshi yɔshi. Mbala imɔtshi lonkina iso nyɛnaka ndjolo ladjikɛnde tolekɔ l’edjena kɛpɔlɔ kana lá winá wɔpɔlɔ.—Wala Losanghanyɛ 9:11.
TSHIMOLA
Lenda ladjikɛnge Ndjambe ndopalekɔ ikɔkɔ y’akambo wapɔlɔ la ndjolo yɛnaso lɔɔko kɛnɛ l’andja edjinge wopo woyawokande winá wɛnaso ndjolo.
4. Onto wolekɔ́ ikɔkɔ yɛ ndjolo yɛso
Anto efula nkanelaka ambɔ Ndjambe ndeke lɔlɔndjɛ andja wanɛ. Nkambo djɛsɔ dekɔ nsɔsɔlɔ? Lenda VIDEO.
Wala Djakɔbɔ 1:13 edjinge 1 Djɔanɛ 5:19, ko kadjimola lá woopó wɔnɛ:
Oyɛwɔ mo, Ndjambe ndeke lolekɔ́ ikɔkɔ yɛ ndjolo la y’akambo wa nyɛtshi?
5. Tokoshishima eposelo weyɛ má ɛlɔndjɛlɔ kɛ Satana
Wala Ewangelo 3:1-6, ko kadjimola lá weepó wɛnɛ:
Ongolo wɔkɔnge wɔ Satana ndatepela?—Lenda vɛrse 4 edjinge 5.
Wopo wɔkɔnge Satana ndɛnyɛ ante Yehova apekala anto wande ekete kɛmɔtshi kɛ wɔlɔ?
L’ikanyi yɛ Satana, anto walekɔ la djonyi djɛ ɛlɔndjɛlɔ kɛ Yehova dj’iwɔ ndjalá l’osasa?
Wala Losanghanyɛ 8:9, ko kadjimola lá woopó wɔnɛ:
Ladjikɛnde Yehova ndopalekɔ́ Ndɔndji k’andja wanɛ, akambo wakɔnge wananghemá?
Adama nya Eva wayalaki anto wa djɔ edjinge wawikaki lá Paradiso. Koko wokelaka Satana ko wapendolaka Yehova
M’ɔkɔngɔ wɔ mpendo kɛwɔ, andja walolaka kfu la mpekanto, ndjolo edjinge la nyɔyi
Yehova angimɛ mpekanto, ndjolo la nyɔyi. Anto wangokalɔ ndjalá lonkina djɔ edjinge wangowika lá Paradiso
6. Yehova angoyakiyanyɛke winá w’ɛnaso ndjolo
Ndjambe apayakiyanyɛka lá nkambo djɛ ndjolo yɛso? Tokolenda akambo watepelisá Nkfumi Davidɛ la Ɔpɔstɔlɔ Pɛtɛlɔ. Wala Yeembo 31:7 edjinge 1 Pɛtɛlɔ 5:7, ko kadjimola lá woopó wɔnɛ:
Okɛ ngete mo winá wɔ ngombewa ente Yehova nyɛnaka la ndakiyanyɛka lá nkambo djɛ ndjolo yɛso?
7. Ndjambe angoshiyɛ ndjolo inkfumɔ y’ɛna anto
Wala Izaya 65:17 edjinge Ndjiso 21:3, 4, ko kadjimola lá woopó wɔnɛ:
Ladjikɛnge oyɛwɔ djoyi djekembɛ ndjewa ente Yehova angoshiyɛ akambo ankfumɔ wa nyɛtshi wɛnyɛ anto ndjolo?
Ongewake?
Winá wɔ Satana ndatepela ongolo wɔ ntondo, nde atonghanyɛka Yehova akambo. Má nangha nghɔsɔ, nde atshindaka anto djɛ nkanela ambɔ Yehova alekɔ Owandji wopalekɔ́ la ngandji edjinge la sii. Lako ilá, winá wɔ Yehova ndongoshiyɛ ndjolo y’anto, nde angokinyɛ djiina djɛnde. L’etepela enkina, nde angɛnyɛ ante ɛlɔndjɛlɔ kɛnde ndeke loleka wɔlɔ. Okinyelo wɔ djiina djɛ Yehova ndeke nkambo djeleka djonyi l’andja w’otondo.—Mateo 6:9, 10.
ANTO EFULA NTEPELAKA AMBƆ: “Ndjolo oyɛwɔ nde etenyi kɛmɔtshi kɛ ikanyi yɛ Ndjambe lá nkambo djɛso.”
Okokɛ ndaakadjimola ente mo?
LÁ YOPASƐ
Satana Djabolo nya Adama la Eva ndeke anto wa ntondo walekɔ́ ikɔkɔ yɛ ndjolo yel’andja. Yehova nkiyanaka lombombe winá w’ɔtɛnande tɛna ndjolo, djɛkondeke lako ilá, angimɛ ndjolo yɛso inkfumɔ.
Mvungo
Ongolo wɔkɔnge wɔ Satana Djabolo ndashimela Eva?
Eposelo wɛkɔnge wɛ nyɛtshi wɛ sombowa má mpendo k’Adama nya Eva?
Wopo wɔkɔnge w’ewaso ente Yehova ndakiyanyɛka winá wɛnaso ndjolo?
TOKANYI TONKINA
Lenda kɛnɛ kɛ Bible otepelande lá nkambo djɛ mpekanto.
Wala akambo ankina wa Satana Djabolo ndaposɛ lá bedji dj’Ɛdɛna.
‘Ladjikɛnge Ndjambe otshikande ndjolo?’ (Etange k’Olami, Ngɔndɔ kɛ ntondo 1, 2014 lá Otetela)
Lenda nsakiso kekembɛ lá woopó ɔmɔtshi wɔ wolo wɔ Bible okadjimolande.
“Ladjikɛnge ase Nazi iyayake ase Juda efula? Lamo Ndjambe ndotaseela?” (Djamba djelá jw.org)
Lenda akambo wa mpame kɛmɔtshi ndeke lá nkambo djɛ ndjolo yɛ ndɛnaka l’edjena kɛ ndayalaka.