WEKELO 45
Kɛnɛ kesakisola nsamba ndɔsa opiko lá wayi wel’andja
Yeso ashimelaka ambeki wande ante iwɔ ‘wapakoke ndɔsa opiko lá wayi wel’andja.’ (Djɔanɛ 15:19) Nsamba ndɔsa opiko la wayi wel’andja, nsakisolaka nsamba ndjingela lá wayi wa pɔlitikɛ. Tewe ente, apayalaka nkambo djɛ wɔdju djɛ ndjalá l’ikanyi yɛdje lá wayi wa pɔlitikɛ. Anto nkoka ntɔsɔka kana ntɔɔla má ikanyi yɛso yɛdje lá wayi wa pɔlitikɛ. Wopo wɔkɔnge w’okokaso nangha dj’ipa ndɔsa opiko lá wayi wel’andja edjinge ntshikala la nkɔmano te Yehova Ndjambe?
1. Wopo wɔkɔnge w’Akristo wa nsɔsɔlɔ ɔsawɔ enkfumi wɛ wana w’anto?
Akristo wa nsɔsɔlɔ nɛmɛyɛka enkfumi. Iso nanghaka etengo Yeso ndatepela ante, ‘nyɔpɛyɛ Kayisa nkete djɛ Kayisa,’ nkɔpa ntepela ente, nɛmɛyɛ ɛlɛmbɛ w’owila, ndjɔmbɔmba ɔlɛmbɛ wɔ mfuta elambo. (Marko 12:17) Bible ndakanyɛka ante enkfumi wɛ wana w’anto ɔlɔndjɛwɔnde ladjikɛnde Yehova akɔpaka dj’iwɔ ndɔndjɛ. (Ɔrɔma 13:1) Iso ndjewaka ente enkfumi wɛ wana w’anto welekɔ l’elelo. Koko iso ndjilaka yimba ngo le Ndjambe kɛso la l’Onkfumi wɔnde wel’olongo ndeke longosiyɛ ekakasano w’anto.
2. Wopo wɔkɔnge w’okokaso nyɛnyɛ ente iso tɔpɔshi opiko l’akambo wel’andja?
Lá ndjɔmbɔmba kɛ Yeso, Ewakɛ wɛ Yehova wapingela lá wayi wa pɔlitikɛ. Winá wɔ anto yɛnyi ansese wa Yeso ndananghe la yahone ndoowila nkfumi lanɛ lá looko, nde atonaka dj’iwɔ nangha nkambo djɛsɔ. (Djɔanɛ 6:15) Ladjikɛnge ndatone? Ladjikɛnde, nde ayɛka ndotepela m’ɔkɔngɔ ante: ‘Onkfumi wɔmi wopalekɔ wɔ l’andja wanɛ.’ (Djɔanɛ 18:36) Lá ndjɔmbɔmba k’ambeki wa Yeso, iso tɔpɔshi opiko lá wayi wel’andja wanɛ lá topo efula. Ndjɔmbɔmba, topananaka ambandji. (Wala Mika 4:3.) Iso nɛmɛyɛka nkete dj’owila, ndjɔmbɔmba adrapo, koko iso topaatɛmɔla. (1 Djɔanɛ 5:21) L’akambo walendana la pɔlitikɛ, iso topahete tá wedji ɔmɔtshi kana ndjila elongi djɛ anto ntɔsɔna lá lɛdji lɔmɔtshi. Lá wopo wɔsɔ edjinge enkina, ndeke ɛnyɛso ente tolekɔ la nkɔmano lá lowandji lɔ Ndjambe, ntepela ente Onkfumi wɔnde.
TSHIMOLA
Shishima akambo wakoka ndjala wolo djɛ nsamba ndɔsa opiko lá wayi wel’andja, edjinge lenda wopo w’okokaso ndɔsa akano wangosasangɛ Yehova.
3. Akristo wa nsɔsɔlɔ wapɔshi opiko l’akambo wel’andja
Yeso nya ambeki wande watotshikelaka ndjɔmbɔmba. Wala Ɔrɔma 13:1, 5-7 edjinge 1 Pɛtɛlɔ 2:13, 14. Ndeke, lenda VIDEO ko kadjimola lá weepó wel’anse.
Lamo oyɛso ladjɛ nɛmɛyɛ enkfumi wɛ wana w’anto?
Lá topo tɔkɔnge t’okokaso nyɛnyɛ ente iso ndaalɛmɛyɛka?
Lá winá w’ambandji, ewila ɛmɔtshi nkoka ntepelaka ambɔ, iso topingela l’akambo wel’andja, ntshende wasuka eloyi wɛkɔ epe w’epokana. Koko nsamba ndɔsa opiko lá wayi wel’andja osakisolande nge? Wala Djɔanɛ 17:16. Ndeke, lenda VIDEO ko kadjimola lá woopó wɔl’anse.
Nsamba ndɔsa opiko lá wayi wel’andja osakisolawɔ nge?
Ya ntsha enkfumi wɛ wana w’anto wambɔtɔlɔmba djɛ nangha nkambo mɔtshi djepokana l’ɛlɛmbɛ wɛ Ndjambe? Wala Elemo 5:28, 29. Ndeke, lenda VIDEO ko kadjimola lá weepó wel’anse.
Ntsha ɔlɛmbɛ wɔ wana w’anto wonanyɛ ɔlɛmbɛ wɔ Ndjambe, ɔlɛmbɛ w’onto wɔkɔna w’oyɛso ladjɛ nɛmɛyɛ?
L’akambo amɔtshi wakɔnge Okristo ndopakoke nɛmɛyɛ ewandji wɛ lɛɛta?
4. Tɔsake opiko lá tokanyi kana lá nanghedji
Wala 1 Djɔanɛ 5:21. Ndeke, lenda VIDEO ko kadjimola lá weepó wel’anse.
Lá video djɛnɛ, ladjikɛnge Ayenge ndatone ndjingela l’oloyi ɔmɔtshi wɔ pɔlitikɛ kana nangha fɛtɛ k’owila, ndjɔmbɔmba ntɛmɔla drapo?
Wɛ ndjawolaka ente nde ɔsaka nkano djɛ wɔlɔ?
Akambo ankina wakɔnge wakoka ndjila ikanyi yɛso yipa ndɔsa opiko lá wayi wel’andja l’ohemba? Lenda VIDEO, ko kadjimola lá weepó wel’anse.
Wopo wɔkɔnge w’okokaso nyɛnyɛ ikanyi yɛ nsamba ndɔsa opiko lá wayi wel’andja winá wɔ ewila wetshikitanyi otawɔ bale?
Wopo wɔkɔnge w’okokaso nyɛnyɛ ikanyi yɛ nsamba ndɔsa opiko lá wayi wel’andja kaanga winá wɔ akano w’ase pɔlitikɛ ɔsawɔ oyalawɔ l’eposelo ɛmɔtshi leso?
Wopo wɔkɔnge nsango y’okaso má radiyo, televiziɔ kana y’okaso me anto w’okana laso okokawɔ ndjala l’eposelo lá ikanyi yɛso yɛ nsamba ndɔsa opiko lá wayi wel’andja?
Lá akambo wakɔnge Okristo okokande nama ikanyi yɛnde yɛ nsamba ndɔsa opiko lá wayi wel’andja?
ANTO AMƆTSHI NKOKA NKOPOLA AMBƆ: “Ladjikɛnge ngopatshumbe yeembo y’owila kana ngopatɛmɔla drapo?”
Okokɛ nkadjimola ente mo?
LÁ YOPASƐ
Akristo nanghaka la wolo djɛ ndjalá l’ikanyi yɛ nsamba ndɔsa opiko lá wayi wa pɔlitikɛ, lá tokanyi, l’etepela edjinge lá nanghedji.
Mvungo
Wopo wɔkɔnge w’okokaso ndɔsa enkfumi wɛ wana w’anto?
Lamo sopakoke ndjingela lá wayi wa politikɛ?
Akambo wakɔnge wakoka ndjila ikanyi yɛso yɛ nsamba ndɔsa opiko lá wayi wel’andja lá mbalaka?
TOKANYI TONKINA
Akambo wakɔnge w’okokaso ndásambɛ djɛ nsamba ndɔsa opiko lá wayi wel’andja?
Wopo wɔkɔnge ankfumbo okokawɔ ndalɔngɔsɔla lá ntondo k’ehemba welendana l’ekakasano wɛ nsamba ndɔsa opiko lá wayi wel’andja?
Tolame ikanyi yɛso yɛ nsamba ndɔsa opiko lá wayi wel’andja lá nsanghanyɛ y’anto ankfumɔ (4:25)
Lenda djamba djɛ mpame kɛmɔtshi kekanelaki ante nanela owila wɔnde mbandji alekɔ nkambo djɛ lomo efula?
Lenda akambo w’okokaso nangha ipa ndɔsa opiko lá wayi wel’andja wanɛ, winá wɔsɛ akano walendana l’olemo.
‘Onto l’onto angɔwɛmba odjito wɔnde’ (Etange k’Olami, Ngɔndɔ k’asato 15, 2006)