Mukanda wa kumpala wa Kuilondena kua Mianda
25 Dingi, Davide na ba nfumu babaadi abakunkusha mudimo, babasanguile bangi ba ku bana ba Asafe, ba Emane na ba Yedutune bua kutemuka, kuyimba na kutumbisha Efile Mukulu na nseese na biombuanga bia mioshi na sembale. Mashina a bantu babaadi abakitshi uno mudimo ngano, 2 mu bana ba Asafe mubaadi: Zakure, Yosefe, Netanya na Asarela, bano nyi bana ba Asafe babaadi ku bukunkushi buaye. Asafe baadi atemuka ku bukunkushi bua nfumu. 3 Bana ba Yedutune babaadi: Gedalia, Zeri, Yeshaya, Shimeyi, Ashabiya na Matitiya, boso babaadi basamombo, babaadi abafubu ku bukunkushi bua nshabo Yedutune, uno baadi atemuka, atumbula na kutumbisha Yehowa na luseese. 4 Bana ba Emane babaadi: Bukiya, Matanya, Uziele, Shebuele, Yerimote, Ananiya, Hanani, Eliata, Gidaleti, Romameti-ezere, Yoshebekashe, Maloti, Otire na Mahaziote. 5 Bano boso babaadi bana ba Emane, uno baadi alungula nfumu bimonua pabitale mianda ya Efile Mukulu a binyibinyi, bua kutumbisha Efile Mukulu. Biabia Efile Mukulu a binyibinyi bapeele Emane bana balume 14 na bana bakashi 3. 6 Bano boso babaadi ku bukunkushi bua nshabo bua kuyimbanga mu nshibo ya Yehowa na sembale, biombuanga bia mioshi na nseese, bua mudimo wa mu nshibo ya Efile Mukulu a binyibinyi.
Asafe, Yedutune na Emane babaadi abafubu ku bukunkushi bua nfumu.
7 Abo na bakuabo babaabadi balongieshe bia kuyimbila Yehowa babaadi 288, boso babaadi abauku kuyimba kalolo. 8 Babelele bubale bua kuuka mudimo ubaadi oso a kuabadi na kia kukita, bakata na bapeela, bantu babaadi abauku kuyimba kalolo na bakiabalongo, boso babaadi mumune.
9 Bubale bua kumpala bubaponene pe Asafe mbua Yosefe, bua kabidi bubaponene pe Gedalia, (aye na bakuabo balume babaadi 12); 10 bua kasatu pe Zakure, bana baye na bakuabo babaadi 12; 11 bua kananka pe Iseri, bana baye na bakuabo babaadi 12; 12 bua katano pe Netanya, bana baye na bakuabo babaadi 12; 13 bua kasamombo pe Bukiya, bana baye na bakuabo babaadi 12; 14 bua musambobidi pe Yeshalela, bana baye na bakuabo babaadi 12; 15 bua muanda pe Yeshaya, bana baye na bakuabo babaadi 12; 16 bua kitema pe Matanya, bana baye na bakuabo babaadi 12; 17 bua ekumi pe Shimeyi, bana baye na bakuabo babaadi 12; 18 bua 11 pe Azarele, bana baye na bakuabo babaadi 12; 19 bua 12 pe Ashabiya, bana baye na bakuabo babaadi 12; 20 bua 13 pe Shubaele, bana baye na bakuabo babaadi 12; 21 bua 14 pe Matitiya, bana baye na bakuabo babaadi 12; 22 bua 15 pe Yelemote, bana baye na bakuabo babaadi 12; 23 bua 16 pe Ananiya, bana baye na bakuabo babaadi 12; 24 bua 17 pe Yoshebekashe, bana baye na bakuabo babaadi 12; 25 bua 18 pe Hanani, bana baye na bakuabo babaadi 12; 26 bua 19 pe Maloti, bana baye na bakuabo babaadi 12, 27 bua 20 pe Eliata, bana baye na bakuabo babaadi 12, 28 bua 21 pe Otire, bana baye na bakuabo babaadi 12, 29 bua 22 pe Gidaleti, bana baye na bakuabo babaadi 12, 30 bua 23 pe Mahaziote, bana baye na bakuabo babaadi 12, 31 bua 24 pe Romameti-ezere, bana baye na bakuabo babaadi 12.