Mukanda wa kumpala wa Kuilondena kua Mianda

7 Biabia, bana ba Isakare babaadi bananka: Tola, Puwa, Yashube, na Shimerone. 2 Bana ba Tola babaadi: Uzi, Refaya, Yeriele, Yamai, Ibisame na Shemuele, bano nyi babaadi ba nfumu ba bifuko biabo. Bantu ba mu lutandua lua Tola babaadi bilobo bia ngoshi, na mu mafuku a Davide babaadi bantu 22 600. 3 Bantu ba mu lutandua lua Uzi babaadi: Izrakiya, na bana ba Izrakiya babaadi: Mikaele, Obadia, Yowele na Ishia, boso batano babaadi ba nfumu. 4 Abo na bekulu babo muyile bifuko bia bamashabo, babaadi na basalayi 36 000 mu kiluilo kiabo, belumbuule bua kulua ngoshi, muanda babaadi na bakashi na bana bebungi. 5 Na bakuabo ba mu bifuko bioso bia Isakare babaadi bilobo bia ngoshi, babatuukile bantu 87 000, muyile biabekele bafundibue mashina, muyile mulongo wa ba nkambua babo.

6 Bana ba Benyamine babaadi basatu: Bela, Bekele na Yediaele. 7 Bana ba Bela babaadi batano: Esebone, Uzi, Uziele, Yerimote na Iri. Babaadi ba nfumu ba bifuko bia bamashabo, bilobo bia ngoshi. Babatuukile bantu 22 034 muyile biabekele bafundibue mashina, muyile mulongo wa ba nkambua babo. 8 Bana ba Bekele babaadi: Zemira, Yoashe, Eliezere, Eliyoenai, Omeri, Yelemote, Abiya, Anatote na Alemete, bano boso babaadi bana ba Bekele. 9 Muyile biabekele bafundibue mashina, muyile mulongo wa ba nkambua babo, babaadi na bilobo bia ngoshi 20 200 mu bekulu babo, muyile bifuko bia ba bamashabo. 10 Muana a Yediaele baadi Bilane, bana ba Bilane babaadi: Yeushe, Benyamine, Ehude, Kenaana, Zetane, Tarsise na Ahishakare. 11 Bano boso babaadi bana ba Yediaele muyile bifuko bia bamashabo, babaadi bilobo bia ngoshi 17 200, belumbuule bua kuenda mu ngoshi.

12 Bena Shufame na bena Upime babaadi bana ba Ire. Bena Ushime babaadi bana ba Ahere.

13 Bana ba Neftali babaadi: Yahasiyele, Guni, Yesere na Shalume. Bano babaadi bekulu ba Bila.

14 Bana ba Manasee babaadi: Asriele, abaabadi bamutandile kui ekupi diaye dia ku Siri. (Yawa muana mukashi batandile Makire nshaye na Gileade. 15 Makire baadi muatshile Upime na Shufame bakashi, na mukuabo mukashi baadi Maaka.) Muana aaye a kabidi baadi Selofehade, kadi Selofehade baadi mutande penda bana bakashi. 16 Maaka mukashi a Makire batandile muana mulume, aye nkumuudika bu Pereshe. N’eshina dia mukuabo mulume dibaadi Shereshe. Na bana baye balume babaadi Ulame na Rekeme. 17 Muana a Ulame baadi Bedane. Bano nyi babaadi bana ba Gileade muana a Makire, muana a Manasee. 18 Mukuabo mukashi baadi Amolekete. Batandile Ishehode, Abiezere na Mahela. 19 Bana ba Shemida babaadi: Akiane, Shekeme, Liki na Anyame.

20 Bana ba Efraime babaadi: Shutela, Shutela nkutanda Berede, Berede nkutanda Tahate, Tahate nkutanda Eleada, Eleada nkutanda Tahate, 21 Tahate nkutanda Zabade, Zabade nkutanda Shutela. Efraime batandile dingi Esere na Eleade. Bantu ba mu Gate babebayipayile muanda babafikile mu kuata bimunuanga biabo. 22 Nshabo Efraime bebadidile munda mua mafuku ebungi, na bakuabo babaadi abafiki mu kumusamba. 23 Kunyima kua biabia baladile mukashi aaye, aye nkuimita na nkumutandila muana mulume. Kadi bamuudikile bu Beriya,* muanda aa mafuku baadi na makienga mu kifuko kiaye. 24 Muana aaye mukashi baadi Sheera, aye nyi bayibakile kibundi kia Bete-orone a kuushi na Bete-orone a kunundu na Uzene-sheera. 25 Refa na Reshefe babaadi bana ba Efraime, Reshefe nkutanda Tela, Tela nkutanda Tahane, 26 Tahane nkutanda Ladane, Ladane nkutanda Amihude, Amihude nkutanda Elishama, 27 Elishama nkutanda Nune, na Nune namu nkutanda Yoshua.

28 Nsenga yabo na mbalo yabo ibaabadi bashale ibaadi mu Betele na bibundi bimuifunyishe, na Naarane dia kutunduka nguba, Gezere na bibundi bimuifunyishe dia kupona nguba, Shekeme na bibundi bimuifunyishe mpa na ku Aya* na bibundi bimuifunyishe. 29 Ku lungi lupese lua mikalo, bana ba Manasee babaadi na Bete-sheane na bibundi bimuifunyishe, Tanake na bibundi bimuifunyishe, Megido na bibundi bimuifunyishe na Dore na bibundi bimuifunyishe. Mu bino bibundi nyi mubaadi mushale bana ba Yosefe muana a Isalele.

30 Bana ba Ashere babaadi: Yimina, Ishwa, Ishuwi, na Beriya. Na mukuabo mukashi baadi Sera. 31 Bana ba Beriya babaadi Hebere na Malekiele, yawa baadi nshaye na Birezaite. 32 Hebere batandile Yafelete, Shomere na Otame, mukuabo mukashi baadi Shuwa. 33 Bana ba Yafelete babaadi: Pasake, Bimala na Ashewate. Bano nyi babaadi bana ba Yafelete. 34 Bana ba Shemere* babaadi: Aki, Roga, Yehuba na Arame. 35 Bana ba mukuabo mulume Eleme* babaadi: Zofa, Imina, Sheleshe na Amale. 36 Bana ba Zofa babaadi: Suwa, Arnefere, Shuwale, Beri, Imera, 37 Besere, Ode, Shama, Shilesha, Itrane na Beera. 38 Bana ba Yetere babaadi: Yefune, Pispa na Ara. 39 Bana ba Ula babaadi: Ara, Anyele na Risiya. 40 Bano boso babaadi bana ba Ashere, ba nfumu ba bifuko bia bamashabo, bantu babaabadi basangule, bilobo bia ngoshi, na babaadi ba nfumu ba bangi bakata ba basalayi. Muyile biabekele bafundibue mashina muyile mulongo wa ba nkambua babo, babaadi bana balume 26 000 mu kiluilo kiabo, belumbule bua kulua ngoshi.